ما مات زايد لو نعته الملايين
[align=center]
احـدٍ يـروح ويذكرونـه ملاييـن
واحدٍ ولا احدٍ يذكره لو بقـى حـي
هذا فعوله واضحه فـي المياديـن
بالخير والمعروف ضيّ على ضـي
يعطي ولا ياخذ ويرعى المساكيـن
يرجي رضا ربه ولا يبخـل بشـي
وهذا يبي دنيـاه مـا فكّـر بديـن
يحسبه خالد ما تناهى عـن الغـي
ياخذ ولا يعطي ولا يعـرف الليـن
جبّار قاسي فـي مماشيـه كالعـي
راح البطل والرجل تبقيـه ثنتيـن
ذكرٍ حسن وإلا عيـال كمـا الفـي
ما مات زايد لـو نعتـه الملاييـن
انا اشهد إنه في قلوب العرب حـي
يكفي وقوفه في العراق وفلسطيـن
وتكفي مشاريع الصحاري بها ري
إنسان متواضـع يلاقيـك بالزيـن
وينصحك كالوالد ويرعاك كالخـي
الكـل عنـده واحـدٍ دون تعييـن
الفعل مقياسه من العدل لـه طـي
داره شقلها كالصقـر بالجناحيـن
وشعبه غدا له صيت ما صار له زي
لو ما بكوه اليوم لاشـك مخطيـن
الدمع يرخص دام بالقلـب كالكـي
فرقاه صعبه فاتركوا هامل العيـن
يذرف بحرقه لو نشف منّها المـي
مقبول بالفـردوس بيـن النبييـن
في جنّة الأبرار يلقـى بهـا فـيّ
بقلم عثمان العبدالله[/align]
رد مع اقتباس
مواقع النشر (المفضلة)