حنآ تميم ..~ .. " آخر نزف "
[align=center]
السلام عليكم ورحمة الله وبركآته
" أحمق من يعتقد أنه يستطيع أن يخفي الشمس بغربآل "
متوآضعه جداً ..!
وقد تكون آخر قصيدةٍ أنشرها .. رُبما ..!
فقط تعريف بنفسي بينكم ..!
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اسأل الفجر والصبح والتاريخ وفجـوج الحقيقيـه=إسأل الجدي وسهيل والليل والشمـس ومشارقهـا
عن هلي لابتي كل ما لاح عـز وعـز تصديقـه=عن هل الجود والهيل والخيل والنخوة وطرايقهـا
عن هل الضيف والخاطر ومن لمت بـه الضيقـه=" يالله حيه " تّهشم ضلوع الجوع والضيم وشواهقها
ياردي المعّرفه لا تّجشـم نصيبـك حـظ تلفيقـه=عن صقور حرور بواسل يكسرون أقوى بواشقهـا
زيف كذبك على خشوم النشامـا صعـب تحقيقـه=لو كتمت الحقيقه كل سبع القبايل ما تضيع حقايقها
حنا تميم الهيل والخيل والموت والـدم الحمـر ريقـه=مصقـلات السيـوف أُكـد مـن علـومً تلفقـهـا
تبهت الصدق وتّحمل ضميرك فـوق مـا يطيقـه=تحسب انك تنقض حلوم الشيخ في قبره وترهقهـا
انتبه مـا يحـرم الحـر صـوت البـوم تحليقـه=لا تنّبش .. رماد النار حي .. يأكل اليد ويحرقهـا
من بغى الحق يارد ..ويشرب لين تروى معاليقـه=للرجاجيل علم وللنسانيس كتبً مثل كتبك تصدقهـا [/poem][/align]
رد مع اقتباس
مواقع النشر (المفضلة)