[align=center]]تــحــيــه لـلـجـمــيــع
قـصــيــده مـتـواضــعــه
اتمنـى ان تـحـوز عـلـى رضـاكـم
‘‘ ‘‘ ‘‘ ‘‘
واعنا قلب ٍ من الوقت عيّـا لايطيـب
الضـروف أحتدتـه والهمـوم أحتلّتـه
بين راس ٍ مايسلّم وحـظ ٍ مايصيـب
ياكثـر ماعـزّرت بالضميـر وملّـتـه
اشهد انها شيّبت بي قبل وقت المشيـب
غلطة ٍ هـزّت ضلوعـي وقلبـي تلّتـه
وأتظاهر بالسلامه وأنا قلبـي صويـب
وأجتهد في مسح دمـع ٍ عيونـي هلّتـه
وكل جرح ٍ للدوى يمكن انّه يستجيـب
البلا فـي الوقـت عيّـت تـداوا علّتـه
وأن نويت أجحد وأكابر ياذاك أني طبيب
أستجد الجـرح والوقـت غيّـر ملّتـه
مابقى للصبر طاقه ولا للطيـب طيـب
والسكوت أصبح وجوده يشابـه قلّتـه
وش يفيد الصمت والصد مايرضي قريب
شَلّتـه سـود المشاريـه والاّ خَلّـتـه
جعل ظني في قلال البصايـر مايخيـب
عالـم ٍ لاشافـت الطيـن زادت بلّـتـه
دمت لي ياهاجس ٍ لازهمتـه مايغيـب
من هجوس ٍ لانـوت بالقصيـد أندلّتـه
خابرك لاصرّم العلم والموقـف صعيـب
تنثني فـي شـف قلبـي وتحمـى حِلّتـه
اعسف مهار المثايل وجيب اللي تجيـب
من خفوق ٍ جاد هيضـه وفاحـت دلّتـه
وأخذ من جزل السوالف موفية الطليب
مضرَب ٍ يمكَـن صوابـه وتفـرا سلّتـه
لين يقنع ضامي الكبد مقطوع النصيـب
قبـل لايـزداد جـوره وتكبـر زلّتـه
ماعلى من واجه الناس بالحق المصيـب
خاتمة من واجه الحـق !! بانـت ذَلّتـه
ومن جعل نفسه مابين الاشاره واللبيب
ايهبـا لاأدرى خمالـه ولا أرفـى خِلّتـه
‘‘ ‘‘ ‘‘ ‘‘
,وسلا111111111111متكم, [/align]
مواقع النشر (المفضلة)