::
::
::
::
صباح / مساء الخير
قصيده من القديم الحديث
بحثت بين طيات الاوراق القديمه
ووجدت هذه البسيطه التي لأول مره تعرض
اتمنى ان تنال ولو جزء بسيط من القبول
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدّار عقبك .. يالغضي ماهي بدار = مستوحشه // ماكن حيّ(ن) سكنها
البارحه دمعي على الخد // مدرار = والعين من دمعي .. تحرّق جفنها
من سبّة اللّي غاب // من دون تذكار = يالايم الذكرى ومن هو سجنها
دنياك تفنى .. والمخاليق خطّار = يومين ... والثالث// رواحيل عنها
ياغلا غلا // واغلا كريمات الاحجار = ياطفلة(ن) نامت // وقلبي حضنها
يامهرة(ن) شقرا // ومن جود الامهار = الخيل مايعسف // بليّا رسنها
عزفت جرحي بين .. نغمات الاوتار = والقلب صوّت // في خفايا لحنها
صوت الجريح // اللي وطا صالي النار = صوت الغريب // وموطني هو وطنها
ياحيّ // شوف الليل .. ماجاله نهار = حتى القمر في ليلتي // غاب عنها
لاصارت حبال المواثيق // قصّار = ماورّدتك حبال // طالت ضعنها
وان كنت تسمع هرج عاذل .. وعيّار = هذاك يغويبك // وهذا عجنها
اصبحت في مركب لياليك // بحّار = في مركب الاحلام غرّد ... شجنها
انحزت للمبعد ... على صادق الجار = والنفس جاها شخص غيري .. شطنها
ياحيّ // طبع الوقت لوزان .. دوّار = حكّم ضميرك زين // والنفس زنها
احسب حساب الوقت لاجار // لاجار = ماترجع الايام ... سالف زمنها
الوقت مثل السيف // والسيف بتّار = والله خلق خلقه ... ويامر وينها
انا احتريتك // واثره الوقت جبّار = نسّى الرضيع امّه ... ولذّة لبنها
ياحيّ // يامن غبت // عوّد على دار = ماستانست // من يوم ماغبت عنها[/poem]
وسلامتكم
نواف المطيري
مواقع النشر (المفضلة)