لحظة شبـــاب.............هذا اللي محتاجين له؟؟

[][ .. عـتريـس .. ][]

الســ عليكم ورحمة الله وبركاته ـــلام






عمرك سألت نفسك
هل أنا مقصر بحقهم وإلا لا؟؟
هل أنا اعاملهم مثل مايبغون!!!!
هل أنا معطيهم اللي يستحقونه مني؟؟
هل أنا أتبعت وأقتديت بالرسول اللهم صلي وسلم عليه!!!!!


أو أنت عايش في وادي وهم في وادي ثاني؟؟


لكل اب وأخ وزوج بطرح موضوع للنقاش أثار أهتمامي ولفت انتباهي بالفتره الأخيره خصوصاً مع الأنفتاح اللي قاعدين نعيشه والتطور يوم عن يوم يزيد ويزيد التفكك الأجتماعي الحاصل بين أفراد الأسره الوحده.....
بزمان أول كانت اللمه الحلوه دايم وفي أغلب الأوقات لكل أفراد العائله يتناقشون ويتبادلون الأراء بينهم !!!
لكن الحين الوضع أختلف تماماً ممكن أخوان في بيت واحد مايعرفون عن بعض شيء....
ولا وين طلع ولامن هم أصحابه؟؟
وكل واحد عايش بقوقعه لحاله أعرف عائله من شدة ماولدهم بعيد عنهم مع انهم عايشين في نفس البيت يرسلون له عالأيميل نبغى نشوفك أو أنزل تغدى معانا!!!!
ليش البعد الحاصل بين أخوان وفي بيت واحد؟؟
صارجفاف بالعلاقات بين ألأخوان أو حتى الأباء والأزواج......
أنا ماأعمم في كلامي لكن هذا اللي أشوفه يصير
مو يقولون العرب هم اللي يملكون أقوى العواطف والمشاعر..........وينها بتعاملتنا إلامن رحم الله...
ليــــــــــــــــــــش مافيه تقارب بالأحاسيس بين الأخوان وخواتهم؟؟
يعني من اللي يداري أخته ومايزعلها واللي تطلبه ينفذه لها إذا يقدر عليه بدون ماتجلس تتطلب فيه وتتحايل عليه
أقرب شيء السوق لماتكون ملزومه فيه يطلع عيونها عشان يوديها..........أيش السبب كذا بس!!!!
أو حتى إذا طلعها السوق نزلها ومشى ليش ماأنت مسئول عنها أجلس معهالاتتركهالوحدها عطها رأيك بالشيء اللي بتأخذه من جد بتحس بطعم الأخوه وأنت واقف معها وتتشاورون...
من اللي إذا تعبت أخته وإلا بنته وإلازوجته يسهر عليها ويحسسها أنه جنبها ومهتم فيها؟؟
من اللي يعتذر لأخته إذا زعلها قدام أهله...؟؟
من اللي يحاكي أخته أو بنته كأنها جالسه تحكي مع صديقتها بدون أي تكلفه؟؟
من اللي يشاورها في أمور خاصه فيه...والله بتفرح لو شاركتها همومك؟؟
حتى هي بتلجاء لك أكيد وقت حاجتهالك بدون ماتتردد..
من اللي لما يشوف أخته سوت له شيء حلو أو خدمته بخدمه بسيطه يجلس يمدحها ويشجعها....بتخدمك بعيونها إذا طلبت شيء ثاني وبتزيد محبتك عندها؟؟
عمرك سألت نفسك ليـــش البنت تلجاء للشباب التليفونات؟؟
غير ضعف الوازع الديني أولاً عدم وجود الرقابه والأسباب اللي ماتخفي على أحد
أهمهـــــــــــا...
((الفــراغ العــاطفي))
ليش تلجاء لذي الأشياء عشان تحس أنه فيه أحد مهتم فيها حتى لو كان شيء وهمي ومؤقت ومعروف غرضه لكن محتاجه للي يسمعها ...يهتم فيها..يحسسها بوجودها وبقيمتها...
لو كانت مشبعه من داخل البيت مادورت عليه خارج البيت...
من اللي يشارك أخته همومها ومشاكلها ويعرف أيش مكدر خاطرها؟؟
من اللي يسمع أخته كلام حلووو ويمدح فيها .....من اللي قال لأخته أنا أحبك وماأتخيل البيت من غير وجودك؟؟
البنت بطبيعتهاعندها عاطفه ومحتاجه أحد يشبعها...فإذا أنت أخوها أو والدها ماأرويت جزء من هالعاطفه بتلجاء لأحد غيرك أكيد
موقف بصراحه انا تعجبت فيه كثيــــــــر وممكن هواللي دفعني لكتابة ذا الموضوع....
تحكي لي عمتي صديقتها دايماً بفمها كلمة ياحبيلك أو أناأحبك ومره وهي تسولف مع أخوها عادي طلعت ذي الكلمه تتوقعون وش كانت ردة فعله؟؟
تفاجأت لما صحت الصباح حصلت ورقه تحت باب غرفتها من أخوها كاتب فيها ((حتى أنا يأختي أحبــــك))
ليش ماقالها في وقتها...خجلان لأنه مااتعود يقولها!!
لو كانت علاقات الأخوه أكبر وأقوى من كذا ماكان هذا حال كثيــر من البنات وخصوصاً مع الذئاب البشريه..
انا ماأعمم فيه اللي فيهم الخير والبركه لكن يعدون عالأصابع وبدون مثاليات هذا اللي أشوفه في مجتمعنا...
ليه مانتبع أشرف الخلق الرسول اللهم صلي وسلم عليه في تعاملتنا وتتخذونه قدوه بتعاملكم مع خواتكم وزوجاتكم وبناتكم....
تعلموا فن الأنصات والأستماع الأنثى محتاجه للي يسمعها أكثر من كونها محتاجه للحل ...
أعذروني ممكن ثقلت شوي عليكم لكن حقيقه نبغى السبب ليـــش؟؟

كثير تناقشت بذا الموضوع لكن ماحصلت الحل الشافي.....

ياترى بألقاه عندكم..........؟؟


تقبلوا مني خالص الــّود...

اخوكم \ ابو الهــش

[دمعة الخذلان]

اول شئ مساءك الله بالخير

___________________

ثاني شئ اشكرك على فتح الموضوع وحتى ولو كان على قولتك مانفعت المناقشه

لكن في نظري النصحيه والمميز والذي من القلب توصل الى القلب

ومادرك لعلى وعسى من قراه وانتفع به ولك الاجر اكيد

_____________________________________________


اما عن النساء لقد اوصى بهم رسول الامه صلى الله عليه وسلم خير الوصايا

رفقا بالقوارير )

وشبهم بذلك لانهم مثل الزجاج ينخدش من اي كلمه جرحه او اهمال واضحه

وايضا قال صلى الله عليه وسلم

خيركم خيركم لاهله

اي اهتمو بهم اكثر ولاتجعلوهم يشعرون با الهمال او الجحود او النكران لهم

او يحتاجون لذياب بشريه مثل ما تفضلت


_____________________________________--


وقبل رسولنا عليه السلام اوصى بهم الله عظم شانه سبحانه في كتابه الكريم

_____________________________

لكن هل من يسمع هل من يعامل المراه كا انسانه ويعطيه حقوقه كا مله من راعيه وحب وعطف وانفاق

اي كانت بنسبه له ام زوجه اخت الخ الخ


مشكلتنا في بعض رجالنا يعتبرون ان القوامه على النساء با المعامله السئه للاسف الشديد

ولايعلم انه بمعاملته الحلوووو يكسبها ويطيه تحت جناحه بكل حب

واهي الذي خلقت من ضلع له علشان توازيه وتكون قريبه من قلبه ومسانده له

__________________________

مشكور ابو الهش وارجو ان اكون اوضحت وجهة نظري

[][ .. عـتريـس .. ][]

دمعة الخذلان


صدقتـي في كــلامكـ


الإنسان ضعيف بنفسه قوي بإخوانه هذا ما كنا نسمعه ونقرأه دائما..ما نراه حاليا في كثير من البيوت مثل

ماذكرت هو نتيجة التهاون في التربية السليمة وعدم وجود مثال حي يقتدي به الفتى والفتاة من صغرهم...لو

كان الوالدان متفرغين حقيقة لتربية أخلاقية ودينية سليمة لما شاهدنا هذه الإمثلة.

ــــــــــــــــــــــــــــــــــــــــــــــــــ ــــــــــــــــــــــــــــــــــــ




موضوع بحاجة الي تعمق اكثر للوصول الي معرفة الاسباب التي اوصلتنا الي هذا الحد


مشكووورة اختي دمعة ,,,

[تركي الرياض]

مشكور يابو الهش على هالموضوع الحساس دائمآ متميز في مواضيعك

وأنت صادق الشق كل ماله ويستاسع لاكن الله يجمعنا على طاعته ويصلح الشباب والبنات .

تحياتي لك يابو الهش العزيز

[شاروخــــــــــان]

مشكور
موضوع جميل
ونبى ردود


تحياتى


(شارو)