مسجات من روعه
خذني معك ولو ما تبيني انا ابيك!!
مابي انا فرقاك ما ارضى غيابك!!
خذني معك طفل يتيم ويغليك!!
متعلق قلبه بك ويهوى عذابك!!
خذني معك شيخ كبير ويبكيك!!
يبكي على ايامه ويبكي شباـبه!!
سمعت صوتك مع ليلي يناديني
وفزيت أدور على الصيحه وراعيها
مالقيت إلا مكالمه لم يرد عليها
أشتقت لك شوق الديره لهاليها
لو غاب طيفك ياروحي من يسليني
والنفس ماكل مخلوق بيرضيها
توي شكيت اليوم والجرح مبطي
ماكان ودي يدري بجرحك الغير.
الله يسامحني إذا كنت مخطي
والله يعوضني إذا خنتيني خير.
طبيعتي آخذ مع الناس وأعطي
أساير الواقع على اقل تقدير.
لكن على ذاتي محال التخطي
لاتحسبن انها بالسهل والتياسير.
ياماعطيتك وأنت عييت تعطي
وجروح قلبي منك خضر ومزاهير.
تغيب في ذروة شجوني وتبطي
وان جيت تحاسبني ولاجاك تقصير
طاحت يدي وانا اتصل فيك
مشغول
ومدري من اللي شاغلن
تليفونك
صحيح ما عندي على الشك
مدلول
واخاف اقول تسيل دمعة
عيونك
على ذاك الجدار اللي على حد البيوت
وقفت وهاجس الذكرى نفض غباره..
وفي ذاك المكان ثبت إن الآدمي من طين
تخيل يوم لمسته تنهد من شقا ناره..
سألني وقال أنا أذكر تجوني اثنين
بكيت وقلت صدقني رحل وانقطعت أخباره
ناظرتني بطرفها الساهي
وقالت:لوتفارقني أموت!!
وافترقنالا رسايل ولاصوت
وكنت أسأل دايم أسأل:
يا ترى وش صار فيها؟
قالوامبسوطة)ماعليها
صارت أجمــل!
وابتسمت..
وقلت: هذا اللي أبيه
بس كيف أناصدقت
يوم قالت لي بموت!؟
*****************
تذكرصاحبك وارجع تقرب له ولوبالصوت
على آخرنفس واقف تجي ولا يجيه الموت
وأشوف الموت أحرص منك وأشوف إنك تبي موته
وأخاف إنك بعدموته تحن وتفتح التابوت
وأخاف من القهر يقفل في وجهك باب تابوته
*******************
يـالـلي تـبـوس الـطـفـل وعـيـونـي تـشـوف
( وش) حـلـل الـتـبـويـس بـخـدود الأطـفـال
تـبـوس لك طـفـلً بكـى مـنك مــكــســــوف
والـلي بكى لك شـــوق ماهو على الـبـال؟؟؟؟
(تعال) بــوســـنـــي لــعـــب فــيني الخـوف
خـــوف الفـــراق وهـــم تحــطيم الآمــال !!
ليه الغياب بعالم الحب موجود ؟؟
ليه الجروح تزيد محدا رحمها ؟؟
ليه الدموع اليا ذرفت مالها حدود ؟؟
وصرخات تالي الليل محدا كتمها ؟؟
وليه الوصل نجزيه ياعالم صدود ؟؟
وليه الخيانه درب كلن رسمها ؟؟
ليه الوفاء نجزيه بالصد وجحود ؟؟
وليه النفوس تشيب محدن فهمها ؟؟
ادري تقول الحين وش ذكرك فيني
ليه الرساله لرقمي بس ترسلها
ادري تقول الحين كم لك مجافيني
وش رجعك لي وروحك ليه تشغلها
مالي مخطيا من راسي لرجليني
لكن قلبي يقول اليوم راسلها
ناس بدت بالصد والصد ملعون
بعض البشر لاصد يذبح صدوده
هاتوا العذر في الصد ياللي تصدون
اغيابكم طول تعدا حدوده
كانه زعل فلكم رضاكم وتبقون
وكانه دلع لابد ننهي وجوده
ودك تغيب وتنسحب من حياتي
ودك تسابق خطوتك والمقادير
ودك تحطم حلم كان امنياتي
واشوف نظرات الشماته من الغير
طبع الجفاء ماكان يوم صفاتي
ادق وارسل لك موده وتقدير
وان كان ماصدقت عندي ثباتي
شف رقمك اللي طالعا بالفواتير
مواقع النشر (المفضلة)