>>اشكي علي شمر عيال السناعيس<< قصيدة ((يــامــي ))
السلام عليكم ورحمة الله وبركاته
هذه القصيدة تدور حول رجل من قبيلة بني يام محكوم عليه بالإعدام ونقل من سجون منطقة نجران إلى سجون حائل لتنفيذ حكم القصاص به واستنجد بمشايخ شمر بهذه القصيدة وكان ذلك قبل نحو ما يزيد عن عشرين عاماً إليكم القصيدة : -
اشكي على شمر عيال السناعيس
زبن الغريب اللي بلته الليالي
روس الرجال اللي تعرف النواميس
لطامة العايل بروس السلالي
انخى شيوخٍ ذكرها له تداريس
باول تواريخ العرب له مجالي
تاريخهم يكتب ببيض القراطيس
ويكتب على روس الجبال العوالي
وانخى الشيوخ مفحمين المحاميس
ومزودين ٍ هيلهم بالدلالي
انخى عبدالله اللي له المدح تأسيس
ابن رشيد اللي عزيزٍ وغالي
وانخى ابن جبرين ودرزي بتحميس
نخوة حمس تهتز منها الجبالي
وانخى بيعجان العلي ممن العيس
وممن الخلفات باقصى المفالي
وانخاك ياشبل الاسود النواعيس
انخاك انت ياطلال الرمالي
نخيتكم وانا غريب المحابيس
من سجن نجرانٍ لسجن الشمالي
اقسم لكم باللي يهب النسانيس
لو واحدٍ منكم محلي بدالي
ويزورني منه خطوط ورواسيس
لاعجبه واسوق حالي ومالي
واطلع به اللي ماتجيه القرانيس
واحط منزاله على راس عالي
اقولها وانا يامي رمته المقابيس
شيخٍ ولد شيخٍ عمامي خوالي
قصيرنا يامن بليا حواريس
وخوينا يشرب قراحٍ زلالي
وسلامتكم
__________________ im0 im0 im0
رد مع اقتباس
مواقع النشر (المفضلة)