\\ \مسجات \ \\ مصير العشق يجتاح الفراق وغصب يدنِـيني
أخجلت شمس المحبة من هواك
والقمر من كامل اوصافك خجول
أطلب اعيوني وانا كلي فداك
واعتبر ماتطلبة عندك وصول
لو يغار الورد الاحمر من شذاك
من يلومة لو تهادى للذبول
ماسكن بالقلب وعروقي سواك
ياربيع العمر وياكل الفصول
----------------------------------------
يمين الله ما زاحم مكانك بالحشا مخلوق
لحالك مستبيح القلب تذبحني وتحييني
تسلطنـّتْ بحنايا الروح وشرّعت الخضوع طروق
رغم طول المسافة كنـّك بجنبي تباريني
وفيتْ لحبك الطاهر ولاّ خالفت فيه حقوق
كأني في يراعك حرف تكتبني وتمحيني
تطـمّـن يانظر عيني معك لين الزمان يروق
مصير العشق يجتاح الفراق وغصب يدنِـيني
----------------------------------------
اخذت الكاس ابي اشرب
وكنت من العطش ميت
وساعتها "تذكرتك"
وبانت صورتك بالكاس
نسيت اشرب..
ونسيت اني من العطش ميت
مسكت الكاس بيديني
اناظر صورتك وابكي
ولو تدري بكاسي..كان فاضي!!
"ومن دمعي" تعبا الكاس
--------------------------------
آهـ لــو يدرون وش معنى الغـــلا
وش هو معنى الحب في دنيا الغرام
كـان محـدٍ لامنــي من هــالمـــلا
يــوم قلبي في هــواكــم مستهام
يوم أشــوفك ينجـلي عني البـــلا
تشـــرق الفـرحة وينـزاح الظـلام
إنتي أطيب قلب في دنيــــاي أنا
و إنتي أجمل حب عــلمني الكــلام
كـــل مـا شفتك أباقلك هــــــلا
مرحبــا و أهلين يـا أحـلا الأنام
--------------------------------
لو لمست الوجد غنّاك السحاب..
وانتثر غيم المحبه في يدك..
وامطرت لك لهفتي جرح وصواب..
وارتمى شوقي بحضنك واسعدك..
تدري ان الصبر في بعدك عذاب؟؟
وتدري انك في عيوني وافقدك!!
----------------------------------
الظاهر انه يسعدك جرح الاحباب
اشوف جرحي كل يوم تزيدة .. !
تجرح ولا تخشى ولا عندك اسباب ..
تمشي على كيفك ونفسك عنيدة ..!
ما ودي اشكي منك واشغلك بعتاب
بس نــــــــــار القهر صارت شديدة..
---------------------------------
البارحه كني على حر "جمره"
اخاطب محمد واردد اغانيه
"طال السفر" غنيتها بالف نبره
و"على البال" جابت على البال طاريه
"ياغالي الاثمان" بالله نظره
يا "مذهله" يكفيني اللي فعلتيه
-------------------------------
خلك معي لا تأخذك بعض الافكار
دنيا مضت لك لا تحسف عليها
لا تشتكي لي من عنا الوقت لاجار
انا بعد دنياي بلشان فيها
ارسم لك البسمة وانا داخلي نار
حتى السعادة بالخداع اشتريها
-----------------------------
سامحيني لو قسى قلبي وغيرني زماني
وسامحيني لو قسيــت ولو تعمدت الخطية
واعذريني لو أصير بنظرتك إنسان ثاني
وأفهميني قبل دمعك يقلب الدنيا علـيه
علميها يا دقايق علميها يا ثواني
قولي لي إني ما لقيت إلا الجفا منها هدية
------------------------------
خل باب الميانه والمجامل يولي
السراب اكتشفته والمفارق قرار
مافعلته كرامة نفس ماهو تخلي
غلطة عمر ما خلت بوجهي خيار
ريحة الجرح فاحت رفض وانت متسلي
ياعديم الوفاء فرقاك رد إعتبار
ذي رسايلك تحرقها براكين غلي
وبين طيفك وقلبي براكين وستار
لا تعتذر يكفي بعض ما حصلي
الفراق هو قراري وللتضحيات إحتضار.
--------------------------------
الوقت ماله ذنب في ضيقةالبال
احباب قلبي هم سبب كل ضيقه
خلوني اقضي كل عمري بالآمال
مدري غلاهم كــذب والا حقيقه
يحتل قلبي هـم واحســاس قتال
ومن القهر بين الضمايرحريقه
-------------------------------
آه لو تدرين يا اغلى البشر
عن عذاب الحب فالوقت الظلوم
آه لو تدرين وش حط الهجر
في فؤادي من جراح ومن هموم
وعن شموخي في موادعك انكسر
انطفت في داخلي كل العزوم
وعن قدرنا آه يا مقوى القدر
ما بقي من وصلنا غير الحلوم
و عن غروب الحب بشروق الفجر
و حظنا اللي طاح ما اظنه يقوم
----------------------------------
ناسٍ تشوف القرش هو سيد الأحباب
وفي دفتر الشيكات ربع وقبيله
وناسٍ تحب الهرج في كل من غاب
واليا حضر مثل الخليل و خليله
ولا قدرت احيا منافق و نصاب
مخادعٍ نفسي و نفسي عليله
--------------------------------
مابقى للصمت فى صدرى مكان
ايه احبك قلتها والله يعين
لاتحسب كلمتى زلة لسان
الغلا مايحتمل شك و يقين
اللسان بساعة الشده حصان
والخجل مايبعده مسح الجبين
معك ينساب الحكى حب وحنان
وكل شده بس قدامك تلين
-------------------------------
جيتلك مشتاق ياكل الهنا
جيت ابضحك وافرح بضحكت شفاك
جيت ابسمع غن لي احلى الغنا
جيت يكفيني من الدنيا هواك
جيت اضمك واستريح من العنا
جيت ابرقد في عيونك ياملاك
ياحبيبي اسعد الله هالمسا
ويصباح الخير ياكبره غلاك
-------------------------------
جمعت عمري من مرارته للياس
وجيتك ألم ياطول ياطول باعه
جيتك على كف الشـقا كلي اتعاس
مليّت من شرب الكدر و إجتراعه
جيتك وعشقي والغلا ماله قياس
من أول آهاتي لآخر نزاعه
رسمت بك ذاتي ودنياي والناس
ولونـّت بك موت العنا وإنقطاعه
----------------------------
غبت يا سيّـد زماني وماغدا بالعمر نيرة
الحـياة أشبـاه ناس ظيم وأوجاع ورزايا
رحت وأجتاحت ظنوني والفكر مليون سيره
مـحتويـني مع شتـات الكون وإسراف النوايا
والله إني مانسيتك كيف وعيوني بصيرة
وسط نون العين طيفك والجفون أصدق مراه
والله إن الصبر كايد والعزا ضيّـع مســيره
البخت حبٍ تمكـنّ والفراق أجزل عطايا
----------------------------
تحياتي ريم
مواقع النشر (المفضلة)