من ياخذ الدمعه لعينه ويعطينِ ... بسمة أمل وأعطيه فالناس همي

**صافي المَشْرَبْ** · 28-12-2005, 07:43 PM

السلام عليكم ورحمة الله وبركاته

بصراحـــــــــه هذي القصيده أعجبتني وحبيت تقرونها

من ياخذ الدمعه لعينه ويعطينِ

بسمة أمل وأعطيه فالناس همي

من يقسم الفرحه مع القلب ثنتين

من يشرب الكاس المعكر بــ غمي

ماغيرها تاجي على حاجب العين

أمي ولا أحد فالعرب غير أمي

ياعين من يقرى كلامِ تخفين

ياقلب من يدري همومِ تضمي

من يعرف انه في حديثي حديثين

للناس ضحكاتي وللروح سمي

ماغيرها تاجي على حاجب العين

أمي ولا أحد فالعرب غير أمي

من خط بيده داخل القلب حرفين

حرفين عــز وذاك يفداه دمي

منهو اذا أخطيت ياصاح يجزينِ

عن زلتي بالصفح ماهو بذمي

ماغيرها تاجي على حاجب العين

أمي ولا أحد فالعرب غير أمي

لو ناخت أركابي على بابها سنين

تلثم ثرى الأجدام والقلب مدمي

ماني بجازيها من العمر يومين

لحظة ألـم منها بدمي ولثمي

ماغيرها تاجي على حاجب العين

أمي ولاأحد فالعرب غير أمي

تحياتي/

قـــصـــيـــمـــي

**خــ الشوق ــالد** · 29-12-2005, 01:22 AM

ماغيرها تاجي على حاجب العين

أمي ولا أحد فالعرب غير أمي

قصيمــــــــــــي

صــح اللســآنك والله يعطيك الف عافيه على النقل

رآئعه وتتكلم عن آروع رمز في الحيآه الا وهي الام

والله يطوول اعمآرهن جميــــع

تقبل كل الود والاحترآم

خــــآلـــد الــشــوق

**لحن ألمشآعر** · 29-12-2005, 05:16 AM

ماغيرها تاجي على حاجب العين=أمي ولا أحد فالعرب غير أمي

هنيئاً لمن تغنى بأمه

أخوي

قصيمي

إبداااع ياتاج راسي تسلم يمينك حبيبي على النقل لاخلا ولاعدم يالغلا
أنتظر جديدك المتميز يالغالي

تقبل تحيتي وتقديري وإحترامي

أخوكـ

سلمان المطيري ( لحن ألمشآعر )
دمـتـ لـنـا
بـخـيـر