قصتي مع إستآذ زعــبوله
قصتي مع مدرس مصري ايام الابتدائيه الى القصه واتمنى انها تعجبكم ......
الاستاد زعبوله
مدرس رياضه يدرسنا من زمان
احول العينين كبير المنخره محدد حواجبه من كبرها اسنان حمار اصلع (( المقصود انه شيفه محسوب على الاوادم
بس كان شديد مستبد شرس كلن يهابه ايام الجهل ولاحضو انه مدرس رياضه..
اجل لوه مدرس رياضيات كان ؟؟؟؟؟؟
المهم هذا المدرس درسنا في سادس في مدارس معهد العاصمة النموذجي كنا نأخذ هم حصته لازم نكون مكملين ونفس اللون ونفس الشكل ونفس نفس البوت
واللي ما يكمل يربطه بالقده لين الطلعه ... القده ( هي العارضه حقت الباب )
غير ذا كان اكبر طرار في المدرسه كنا نجيب له فسحه عصير منقا قها وبيبسي غراش
وكل يوم على واحد
ويتشرط علينا .....
يعني قبل ما تجي الطلعه مرسل المنيوم حقه
حتى مره طلب فني فسيخ
رحت لمي وقلت استاد زعبوله يبغي يفطر فسيخ حتى امي تخاف منه
خايفه اخر الدراسه يعطيني دويره حمرا (( ومصيبه الدويره الحمرا))
المهم اشتقت أمي وشذ الفسيخ كلمت عماتي ما عرفوه
اتصلت على خالتي برضه ما عرفوه المهم جالست أمي على اعصابها طول اليوم
لين جاءها اتصال من خالتي ساره قالت لقيت اللي يفيدنا
قالت أمي الله يبشرك بالخير وجلست امي تبكي وتكفكف دموعها فرحآ بالخبر وخالتي كانت على السماعه تبكي معها وجلسوا يتذكرون جداني وخوالهم وعمانهم اللي ماتو قلبوها عزا كل ذا علشان الفسيخ
اجل لوه طالب حمام بالفريك
المهم قالت خالتي اني اعرف ممرضه مصريه في مستوصف عتيقه ابروح اسئلها
بين اعشاوين الااخالتي تكلمها تقول عرفته عرفته عرفته
قالت (( سمك يابس)) مجفف
قالت امي وين اجيبه منه
قالت خالتي حط يله ربيان ناشف
جلست امي سهرانه طول الليل تنضف وتخمر الربيان
في الصبح سوت الفسحه
رحت للمدرسه وانا مبسوط متشقق من سعة الصدر قلت الحين بيحطني هجوم
وصلت للمدرسه وكانت حصة الرياضه الحصه الثلاثه والوقت يمشي بطي واحتري الحصه احر من الجمر وكل دقيقه اربط حبل البوت متحمس
يوم رنة الحصه الثالثه جا الاستاد زعبوله
وقزني من بعيد قال لي تعال ياوله
يوم جيت قل لي جبت البضاعه ((( مخدرات)) بغيت اقول سلم وتستلم... وش كلمة السر وبغيت اطلع جنيه مشقوق بس اخاف يمسح فيني البلاط
المهم عطيته البضاعه كنت لافها بجريده الرياض الطبعه الاولي الصفحه الرياضيه
المهم فتح الجريده شاف الفسحه اللتفت علي وكانت حجانه طايره وعيونه طالعه واسنانه بارزه وصار
ينفث كنه ثور
وقال انت تستعبط انت تستهبل أنت نتن انت حيوان
وقال ورحمة ستي نبويه اني لا افرققك
ربطني في القده لين خلصت الحصه وبعدها حطني على الجدار وجلس يمزعني بالكوره ولين تعب نادى الطلاب وجلسو يشوتوني بالكوره(( جدار))
ثمن فال والنبي لاا اسئطك يابن ؟؟؟؟؟؟؟؟؟؟
خلصت الحصه على خير وكانت الكورع وسخه ومطبع على ملابسي التشويت صاير كنى مدرب حراس))
المشكله انه كل الفسحه
يوم خلص قال بكره كمان حتقيب لي فسحه بس عوزها جنبة حلوم مع بصل مع طرشي مع جرجير(( بوفيه ))
قلت طيب وانا على اعصابي
رحت للبيت لقيت أمي نايمه من التعب واقومها وعيوني مغورقه من الدموع
شافتني امي قالت شكلها ما جازت له قلت لا
قالت امي وهى تنهد اصبر يابنيه ان الله معنا
جاء أبوي من الدوم وتلقطه امي من عند الباب كانت لابسه بشتها وشيلتها وتحتريه عند الباب
قال ابوي انا تعبان توني جاي من الشغل قالت لين جينا قيل يعني( لين بعد العصر)
راحت امي ببوي لشارع الوزير
معروف الشارع كله دوافير وأبو شكيم وحمران وعطران
وجابت من هناك جبنة حلوم وجابت امي لنا كيكه وطرنبه وزنود الست على طريقها
وجت أم زعلانه وصايله
لقطت أبوي وهو يغازل شاميه حمر(( سياره))
المهم أمي طنقرت ومن الروعه وخايف ابوي دخل المطبخ وسوى لي الفسحه ((( رجالت اخر زمان))
المهم أبو الاشوام ((أبوي)) جاب الفسحه وحطها في الشنطه وراح ينوم في السطح ابو الدوافير هههههههههه
رحت الصبح ويستلمني من عند الباب الااستاد قال فين الغرض وجالس يلتفت يمين ويسار كني جايب غرشة عرق وقال جبت الطرشي معهم قلت البضاعه كامله
قال انت ولد قدع
انت شربات وش قصده ؟
المهم حطني هجوم الله من زين اللعب الله من التكسير
مر اليوم بسلام
على ذالحال كلن يجيب له فسحه ((( استعبدنا ووالدتنا أمنا احرار)))
مرت الايام اللي يجيبله فسحه واللي يجيب له خضره واللي يجيبله فتيت (( قرص عمر )) واللي يجيبله اقط
حتي واحد من الطلااب جايب له جريش
يوم خلص قال دالقريش حاقه عطمه
واللي يجيب له لحم((( كلب ))
دارت الايام وجت بتخلص السنه وهو داري ان عمي يشتغل في الخطوط
قال لي عوز عمك اللي ما يتسماش يشحن لي تلاقه وتسجيل وبطانيه وغساله تلاته قدم وشوى حاجات
قلت له سم
كلمت عمي وما قصر ...ويقول عمي شاحن حتي المجلات وليف المواعين وفليت وبسكوت وحبل غسيل ولمبه ميه شمعه وسجاده
وطاقيه واعواد اسنان وملعقه ونعال فرده وحده وهذا اللي قهرتني وش يبي فيها مدري بس يوم فكرت تذكرت الفرد الثانيه انه قد لسبني فييها لين انقطعت هههههههه
يوم جت اخر السنه والشباب كلهم دواوير حمر كنهم جايتهم القوبات((( نوع من المرض فطري ))
راحت الفسح هبآ منثور
واسفين على الاطاله
ترقبوا جدينا القادم والسفرة الاليمه مع خويي ابو رقبه اذا تبونها قبل يوم الخميس قلولي بس وابشروا بعزكم
شعارنا .. لاياس مع الحياة ولا حياة مع زعبوله ........
تحــيآتي لـــكمــ فردآ فردآ
المشاركة الأصلية كتبت بواسطة بنت عز
مواقع النشر (المفضلة)