[align=center]رجل و زوجتين في ليلة واحدة؟؟؟
هذا رجل يبلغ من العمر 35 سنة.هذي هي قصته وهو ألحين عايش في نعيم وصحة وعافية وهو متزوج امرأتين في ليلة وحدة...انتوا ما راح تصدقون لان اللي صار ما يصدق ولا يدش المخ لكن هي قصة حقيقيةو هذا اللي صار....
أكيد متشوقين تبون تعرفون شنو صار....
في يوم من الأيام اتفق هذا الشاب مع أهله ان يتزوج وفرحوا أهله بطلبه هذا وراحوا يدرون له بنت الحلال...
راحوا الأهل لجيرانهم عشان يخطبون البنت للولد.. المهم أهل العروسة الصراحة طلبوا وقت عشان ياخدون راي البنية ..المهم بعد مدة جا ولد عمها يطلب ايدها للزواج...
بصراحة هذا الشاب خاف انهم يرفضونه وبعدين اهل العروس خدوا مدة طويلة ..وضاق صبره هو وراح وخطب وحدة ثانية وعلى طول وافقت الخطيبة الجديدة...
وبعد يوم من موافقة الزوجة الثانية جا الرد من بنت جيرانهم انها موافقة: والله بصراحة الشاب تورط ورطة غير طبيعية .. وجت في باله فكرة تدرون وش هي؟؟؟
قال الشاب : أنا موافق على الزوجتين
المهم أهل العروسة طلبوا الزواج يوم الخميس.
من حظ الشاب ان العروسة طلبت الزواج في نفس اليوم اللي يبي يتزوج فيه الزوجه الاولى. بس كان الفرق...ان الزوجة الثانية تبي العرس في قصر الأفراح..
المهم... راح يوم العرس وأخذ الزوجة الأولى ووداها الفندق وقال لها...بروح أجيب عشا...
قالت له: اوكي بنتظرك..
راح الزوج وأخذ الثانية من قصر الأفراح..
وركبها السيارة : وراح للمطعم وطلب أكل ل 3 أشخاص
الزوجة الثانية استغربت..احنا اثنين .. من الثالث؟؟؟
والمسكينة الزوجة الأولى تنتظر العشاء...
شوي وبعد مدة جاب العشا وراح للفندق اللي فيه العروسة الأولى ودخل العروسة الثانية على الأولى ...
والعروستين في حالة ذهول واندهاش ولا هم مصدقين..
الشاب فرش لهم السفرة وما كلمهم...
وقال لهم..تبون نتعشى والا نتفاهم؟؟
قالوا : نتفاهم أول...
شرح لهم الشاب القصة كلها...
قال لهم: يا بنات أنتو ألحين بنات بكر..البنت اللي تبي تستمر معاي حياها الله والبنت اللي تبي الطلاق تقول لي...
ردت الزوجة الثانية وقالت: أنا أبيك...
وقالت الزوجة الأولى: أنا بعد أبيك...
قال الزوج: عجل سمو .. خلونا نتعشى...[/align]
مواقع النشر (المفضلة)