((أكاديمية الدجه للشباب الضايع))
السلام عليكم ورحمة الله وبركاته
شوفوا كيف الشباب اذا مايبون أحد شلون يصرفونه
ويقولون كيد النسا عظيم ياويلهم من ربي
إلا هم المصايب ماعليهم من احد اذا ركبوا راسهم
السالفه بقولها لكم قريتها في مجله من وحده من جد ناقدتهم
وتقول ،،
((أكاديمية الدجه للشباب الضايع)))
عاد هذول الشله بالاستراحه بينهم واحد غثيث على قولهم مايحبونه
وهو لصقه مايخرج من الاستراحه حاولوا حاولوا يصرفونه
إلا الولد حالته حاله مايدري ربي وين موديه
قالوا لازم نخترع طريقه عشان نصرفه
كيف ياكيف
جابوا طريقه ماتجي على البال والخاطر
قالوا نسوي أكاديميه وكل أسبوع نطلع نومنيه
وتصويت وحركات وفلة حجاج
ياحضهم
واللي يطلع نومنيه يجلس اسبوع مايدخل الاستراحه
ولايردون على أتصالاته ابدا
على أساس أنهم بيختارون خويهم ذا نومنيه ويصرفونه لمدة اسبوع يستانسون بدونه
ويختارون النومنيه طبعا مو عشان صوته
النومنيه عندهم هو الشخص اللي مايعرف القطه
واللي مايخرج من الاستراحه طول الوقت مستنر بس بالعيد يروح لأهله
واللي مايرتب ولاينظم يعني داااااااج
اللحين عرفتوا الخطه
شفتوا شلون كل الاكاديميات فيها تلاعب
يعني مسوينها وعارفين مين اللي بيطلع
المهم راحوا اشتروا لوحه وعلقوها على باب الاستراحه
وكتبوا
((أكادميه الدجه ))
وحطوا على الباب أسماء النومنيه
وهذا الاسبوع ماختاروا خويهم الغثيث يعني مراوغه ووناسه بنفس الوقت
أختاوا واحد هو اصلا بيسافر قالوا عشان نطلعه كأن التصويت ماساعده
والاثنين الباقين بس كذا
وتصويت ونسب وحركات صعبه
طبعا كيف يصوتون لبعض على رقم واحد فيهم مسمينه رولا سعد
وواحد مسوي نفسه هيلدا وربي لو درت عنه لتعتزل هيلدا طبعا
يصورهم وهم نايمين وهم ياكلون وهم في جميع حالات الدجه
ويوم الجمعه يسوون الروبرتاجات
كل هذي الحركات عشان بيصرفون صاحبهم ذا
لا بعد
وليتكم تشوفون أستراحتهم وربي مالها داعي مصورينها بالجوال
يارب لك الحمد
يقولون وقت التصويت ينتهي الساعه 11 الظهر
أمحق يخططون
لاوارسل لهم على رولا سعد من جوال شيخ القبيله
شيخ السعوديه يصوت لشاب ريان
كلنا معك ياريان
وياخذ جوال صاحبه ويرسل
بنت الكويت بتصوت لشاب الوسيم ريان
بنحبك ياريان
وبنت الرياض وعلوم مالها داعي
ريان ولد عمي بس مختارينه كذا مابيطلعونه
أقولكم سووو ضجه عندنا
حتى أعمامي وعيالهم الكبار وابوي
دارين عن الاكاديميه
بس ماقالوا لهم السبب ليه
بس يعني قصدنا وناسه
والله ياانا ميته ضحك بعدين اخواني فيهاا
وكل يوم جايبين قصه عن أكادميتهم ويتموتون ضحك وأنا أناظرهم
بحسد
إنتهى النقل الى هنا ،،
طبعا هذي قصه وحده تتكلم عن اكاديمية اخوانها بالاستراحه ،،
بس شفتوا كيف الشباب ماينقدرون
عاد ايش رايكم نسوي أكاديمية المنتدى
وحقوق الطبع محفوظه لأستراحة الدجه
بس حنا عن طيب نفس بس نبي وناااسه
والخطه كلهااا عندي حتى طريقة التصويت فبالي
أذا موافقين يالله نبتدي نجهز
وهذا علمي وسلامتكم
تحياتي
مواقع النشر (المفضلة)