مسجاأأأأأأأأت ما ابي غيرك حبيبي ...
من اشوفك طار عقلي
وختلف لوني وشكلي
يا حبيبي وريحة أهلي
وخاطري وفني وشوقي
لو عطوني ماعطوني
من كنوز وخيروني
ما ابي غيرك حبيبي ...
وما تنازل عن حقوقي
==================
كنت احسب الزين عايش بلياك
واثر الجمال اليوم فز ولعبك
اثر الورود تموت لاحل طرياك
لو سولفت كل الورود بتسبك
من هو بقى لي كان عني تخليت ؟
وانت الوحيد اللي بعمري بقالي
الحب ماهو بس خذني وانا جيت
الحب وقفه بين غالي وغالي
احلم بشوفك وشوفت الحي للميت
اللي على ايامه خذته الليالي
--------------------------------------------
انت الندا وانا اللى ذاب كلى فى نداك
تكفا ياغض الانهاد لاتخلينى
كل ماذقت الحلا تخيلته حلاك
وكل نظره من عيونك لى تحلينى
فى كل لحظه اتخيل انى معاك
اتخيلك فى كل لحظه تنادينى
فى غيبتك انا شفت الهلاك
محدن عقب غيبتك يواسينى
--------------------------------------------
كـــلما جــيـت أبــضحـك أسـتحـيت وبــكــيت .. وكــلما جـيت أبـنـهض أتعـثر وأطــيح
وكــلما جـيت أبرقــد طــال لـيــلي وســريت .. وكــلما جـيت أبـسـكـن قـام جـرحـي يـصيح
وكــلما أنهي طـريـقي والعـذاب أبـــتــديت .. وكــلما أحـاول أكـــتـــم راح دمــــعـــي يـبـيـح
------------------------------------------------------------------------------------------------------------
مشتاق لك بالحيل مشتاق
يامن عليك القلب ظامي
ليتك تبادلني بالاشواق
وتحس في نشوة غرامي
اشعلت في وسط القلب حراق
واحرمتني لذة منامي
حبك رسخ في وسط الأعماق
وحزت الغلا وكل احترامي
---------------------------------------------
في غيبتك قلبي فقد من يسليـــــه
من كثر حبك حلف ما يخونــــك
في غيبتك قلبي تتحطم أمانيـــــه
كرهت ان العالم وحبيت كونـــك
في داخلي احســاس اجهل معانيه
بس الأكيدإن المشاعر يبونـــــك
------------------------------------
في سواد العين لك مسكن
يا وليف الروح يالغالي
كيف أنا انساك لا يمكن
كيف دونك ينشرح بالي
نام يالمضنون وتطمن
الوفا عندي ولازالي
لين روحي في القبر تدفن
والتعازي تجيك عن حالي
--------------------------------------
فديتك .. كلمة تعني فداك القلب والوجدان
معانيها غلا وأشواق تموت بصلبها احزاني
فديتك .. في زمان شح فيه الصاحب الإنسان
فديتك .. دمعة غذبة تطفي نار حرماني
فديتك .. يا بعد عمري ترجح كفة الميزان
غلاك بقلبي لو تدري تمكن وسط وجداني
--------------------------------------------------------------
أريد أصرخ بعالي الصوت يا هالناس سمعوني
الناس بليلها ترتاح وانا سهران شوفوني
حبيبي اللي كنت امشي وياه والمدلل تسموني
هالساعة وحدي أدير العين وأخجل من تلاقوني
صار اللي ما حسبته يصير والمنة تخوفوني
وأعز الناس يا هالناس ماظنيت ينسوني
زرعوني مثل وردة .. وبدون الماي خلوني
-------------------------------------
أدفن الضيق بالقلب الحنون
والتناهيد في عمري كدر
وأقضي الليل هواجيس وظنون
ضايق البال مجروح النظر
كل ما كقلت بهونها وتهون
عانق الدمع رمشي وانتثر
ما يعوضني في غيابك من يكون
يا صاحبي غيبتك عني قهر
-------------------------------
سهرت الليل أناجي نفسي
وأقول:
حبيب القلب بعيد عن عيــــني..
ياترى متـــــــى راح يجينــــي؟
اشكي له وش سوى بعده فيني!!
وأقوله:
ياحبيب الروح لاتغيب عن عيني..
----------------------------------------------
النفس طابت قلبي اليوم ينعيك..
في حبك اللي مات أقبل عزاتي.!
بالأمس يوم أرجيك ماغاب طاريك..
واليوم عندي صرت ذكرى بحياتي.!
مات الأمل مادام غيري مراكيك..
عفت الحياة بيوم موت أمنياتي.!
على جدار الحب بنشر تعازيك..
ولا تطري الرجعة فيوم وتاتي.!
ياموت سير لا تزود تغليك..
عقب الغدر والهجر عجل وفاتي.!
----------------------------------------
قصة الحب العفيفـــه دونيهــــــا
في سلاسل عقد جيدك علقيهــــا
واحرقي كل الرسايل والقصايـد
في مهب الريح روحي وانثريها
--------------------------------------------
لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..
------------------------------------------------
من رافقك والله حشي مايخليك,,,
لو عاشرك كل الدهر مايملك ..
انا اشهد اني حرت مدري شسميك ,,,
كل الخصال النادره ينتمن لك..
الطيب كنه شابك ايديه بأيديك ,,
ان كان له صاحب فهو صاحبلك ...
--------------------------------------------
مرحبا والطيب ما ننسى مجاله..
للحبايب اللى لهم قدر وقيمه..
مرحبا ترحيبة فيها جزالة...
بالقلوب اللى نواياها سليمة..
ياوريث العود كساب الجماله...
ياعسى الجنه لمن جابك غنيمه..
----------------------------------------
درب الشقا يا خوك طالت مماشيه
والوثت ضاع وراح عمري شقاوي
العام اداوي ونزيف الجرح واكويه
واليوم عاب جرحي ماله مداوي
فوق الورق دمعي نقش ضيم ماضيه
عبره لمن غره زمانه هواوي
-----------------------------------------
لا تلمس الجرح خل الجرح واسبابه
الله يخليك مافيني يكفيني
حتى حبيبي زمان الحب ما جابه
كان اخر انسان متصور يجافيني
يكفيني انه ترك لي شي اشقابه
دفتر قصيد وقلم مسجون بيديني
-----------------------------------------------
تحياتي ريم
مواقع النشر (المفضلة)