ياليتني اختك ولاهمني فراقك
ياليتني اختك ولاهمني فراقك
دلوعة قلبك
البارحة حنتْ
سافرت للأمس ...وجنتْ
إطرقت عليك باب الدفاتر....
كان ليلها بدونك
مرعب
مخيف
فاتر ......!!!!
دلوعة قلبك
البارحة حنتْ
افتحت صحف الامس...وجنتْ
مسحت غبار القصايد
استرجعت احساسها البايد
ياحلوها ايامك
كانت دلوعتك
كانت هيامك !!!!
دلوعة قلبك !!
البارحة !! حنتْ
افتحت هالصناديق ...وجنتْ
كانت تتبع قصيدك...
عطرك
.وجودك
جديدك ...!!!
كانت حنونة حيل
إحضنت كل شى منك
حتى الويل !!!
دلوعة قلبك !!
البارحة حنت
إلمحت صورتك....وجنتْ
حاولت !!
تجمل الصورة !!
وحاولت
تلملم مشاعر مكسورة !!
وحاولت!!!
تصنع منك لقلبها اسطورة!!
دلوعة قلبك !!
البارحة حنت
استرجعت صوتك ...وجنتْ
ياعمرى اعشقك!!
اتنفسك!!
وتراتيل عشق نزفتها باذنها ليالى...
دلوعتك...إحضنت وسادتها
وبكت
وبكت
وبكت
حتى صار البكاء شى خيالى!!!
دلوعة قلبك
البارجة حنت !!
إمسكت هالجوال....وجنت !!
كانت تتفقد ارقامك
تتمنى تسرق صوتك من ايامك..
وتتردد !!!
مسكينة هالدلوعة
كان فى قلبها
شىء يكرهك
وشىء يرفضك
وشى..يتودد !!
دلوعة قلبك !!
البارحة حنت !!
سافرت فى وجهك....وجنت !!
ونادتك
ونادت
ونادت
وكررت .. الصوووووووووووت !!
البارحة ادركت
انه الغياب غياب
وانه الفراق فراق
وانه الحنين ...موت !!!
دلوعة قلبك !!
البارحة حنت
تجاهلت هالغياب ..وجنت!!
كانت غايبة عنهم
بس.. موجوده..
شرفها طيف جنابك....بوجوده
حاول يتمادى
حاول يتجاوز حدوده !!
دلوعة قلبك
البارحة حنت
استحضرت طيفك...وجنتْ
حطت ايدينها بيدينك
وامسحت على راسك ....
وتساءلت !!
بغباااااااااااااااء
إلاقولى !!
كيف عشت بعدى..؟؟
مو على أساس إنى انفاسك؟؟؟
دلوعة قلبك
البارحة حنت
قرت هالقصيد...وجنت
بهالسطر ..كان لها قصر
وبهالشطر....كان لها طفل
وبهالبيت كان لها بيت
وبها القصيدة تمنت!!
وبها هالفقرة كثرت ..أتمنى..وياليت !!
دلوعة قلبك
البارحة حنت
تذكرت غيرتك....وجنت
ياعمرى كبرتى!!
إستأذنى ان خرجتى !!
حبيبتى وصيتى...... العبايا !!
والبرقع أول........ الوصايا !!
حبيبتى بجنون..أغار
لاتحرقى !!
لاتعبثى....بهالنار !!
دلوعة قلبك
البارحة حنت..
إمسكت هديتك ...وجنتْ
أمطر مساها حنين
ونبت فيها .....إشتياق !!
تذكرت ليلة !!
إصرخت بوجهكْ
ياليتنى إختكْ
ولا يهددنى بك ...فراقْ !!
دلوعة قلبك
البارحة حنت
إلمحت ورودك....وجنت
تعلمت معك.....تجف بردْ
وتعلمت منك تبلع شوك ...ووردْ
دلوعتك البارحة!!
عرت هالجرح من اوراق هالتوت....
إغمضت عينها حيييييييل
إلمحت خناجر تمر
وغدر يفوت ....
دلوعة قلبك
البارحة حنت
تحسست هالجرح ..وجنتْ
إستعرضت خياناتك
خيانة بيضاء
وخيانة سوداء
وخيانه ملونة
وثارت..!!
دلوعتك البارحة
تجردت من .......الوفا
جربت بعد ثلجك .....دفا !!
وإحلفت تخون
وخانت
وخانت
وخانت !!
دلوعة قلبك !!
البارحة !!
كانت مختلفة
كانت غير !!
كانت تشوفك شى
فيه الصدق
وفيه الخير !!
تصور !!!
.
للكاتبة المبدعة شهرزاد بمجلة زهرة الخليج
.
.
رد مع اقتباس
مواقع النشر (المفضلة)