{..تيتي تيتي رحتي مثل ماجيتي..}
السلام عليكمــ
الموضــــــــــــــــووع ليس لنقــد
ودنا بالطيب بس الزمن جحاد طيب
كل ماتخلص مع الناس كنك تغشها
يدك لامدت وفااء لاتنتظر وش تجيب
كان جاتك سالمه حب ايدك وخشها
اي والله ياتيتي رحتي مثل ماجيتي ...لاخذنا ولا عطينا وان مدينا ماكسبنا وان حجدنا عطوناا .. تيتي رحتي مثل ماجيتي ... زمانك ماهو زمانك وقلبك ماهو قلبك مادام طيبك تجني من وراه كل شر .. وش نسوي اكثر من كذا ...
الحين حنا في زمن يمكن واضح لنا كل شي ونعرف كل شي .. بس وش الي ينقصنا مانعدل اشياء كثيره فينا .. صرنا مثل الي يقول كل ماجاء مكان وشاف احد قال مشغوول مشغول وهو مو مشغول بس صارة عاده . حنا بنقول نصلح نصلح بس مشغولين ماحنا فاضين .. ويازمن اجري وانا بحماري اساابقك .
بالعربي ماشي عاجبني في وقتنا هذا .. لا تواصل ولا حب ولا اي شي ايجاابي .. كلها جحدان ونكران وان كان فيه خير متأكد انه قليل .. بس ترجع تيتي ونقول تيتي تيتي رحتي مثل ماجيتي
والله لو نعطي من هنا لبكره مارح ناخذ شي .. اقول ان جات يدك سالمه حبها وخشهاا ... وليش اطلعها من اول على شان اخشهاا ..
والله العظيم مادري وش في خاطري .. يمكن لاني شوي ضايق هاليومين .. بس يمكن كل شي وصل حده ..
ياكبرك ياتيتي لارحتي وياصغرك لاجيتي ... احس في وجهك معالم الانقلاب المعاصر .. والله ياتيتي انك كبيره بس الزمن ملعون يصغر من لاشي .. والله ياتيتي اني احبك .. ولا ابي اقول شعوري اخاف تفهمني غلط ..
تيتي يابعد خشمي والله .. الحين بقول الي في خاطري بس انتهبي تراك انتي الصدر الحامي لي.. انتبهي تخونيني .. ترا بروح فيهاا
تيتي .. وش رايك في التوصل بين الناس .. وش رايك بالكلمه الطيبه بين الناس .. وش رايك بالكذب الي كثران بين الناس .. وش رايك بالصدق والوفاء .. والحب .. وكل شي يحسسنا بمعى الانسانيه .. تيتي ابي جواب نهائي ..... اقل شي خليني احدد نفسي على الناس ..
تيتي لك المايك :
تيتي :هلا سعودي وايلي .. سامع انا صحيح رحت مثل ماجيت بس صدقني ماندرس الا نتعلم ...
سعودي : كيف
تيتي : يعني انت الحين تضحك علي وتقول انك ماطلعتي بشي وانك من جنب امها ولا وتبعدي عنها 55 كيلو .. صح
سعودي :: صح
تيتي : زين تدري اني اقل شي كسبته من هالدنيا هو شي واحد اعتقد انه يكفيني عن الكل
سعودي : وش هي
تيتي :: حب الذات .. يعني ياسعودي اذا كنت تحب ذاتك وحب الذات مايجي الا انه على عين الصواب .. وانا يكفي اني طلعت بحب الذات اقل شي اكون صادق مع نفسي .. واعرف احكم نفسي على امور كثيره
سعوي : بس ياتيتي الي يصير الحين ماله ومال لذات كل شي خارج عن النطاق
تيتي :: لالا انت لما تحس انك شخص واثق من نفسك من هنا تقدر تحدد ان الشخص الفلاني به كذا وكذا .. وان الشخص الفلاني يريد كذا وكذا .. تقدر تحكم على الخلق بمجرد انك تكون واثق في نفسك وتحب ذاتك ..
سعودي : يعني احب ذاتي .. ماتحسي راح يقولون عني مغرور
تيتي :: اي مغرور .. لامغرور ولا شي الرسول ماهو قدوه لنا
سعودي : الا
تيتي .." الرسول قال اللهم نفسي ... صدقني اهتم في نفسك واترك الناس عنك والله يجمع القلوب الطيبه على بعض .. وماكل شي في زمننا شين .. بالعكس انا اشوف اشياء كثيره زينه ... احسن من اول .. بس تحتاج لتعديلات بسيطه .. وصدقني كل انسان عارف نفسه .. وهو ادرى.. ولا تحكم على اي انسان الا اذا كنت تعرفه زين .. لان الناس هالاياام مو باين شي من نفسيتها الا بعد ماتتعرف عليه زين
سعودي : يمكن تكوني صاادقه
تيتي : جرب
بقلم سعوودي وايلي
مواقع النشر (المفضلة)