::
::
::
::
صباح / مساء الخير
تحيه طيبه للجميع
هذه قصيده اسندت لي عن طريق احد الاصحاب الاعزااااااااء علي وهو فواز الكرشمي
يقول فيها فواز
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا اشهد ان الحب ياناس جرّاف = كم واحد(ن) في الحب نفسه حملها
يالوف كبدي جاله اليوم لوّاف = والنفس تشفق // يوم ربي جبلها
ياشاعر المطران // ياحر الاوصاف = يامرحلة لابداع ماحد(ن) وصلها
الخيل تعسف بالرسن وانت عسّاف = ماهو ورق بالوت سجّل دبلها
والزين شفت الزين ياقلب(ن) اشغاف = غلّق على زينه جمال وقفلها
من بيض خدّه مابعد شيف وانشاف = بالزين غطّى من جماله وصلها
وعيونه الخدرات ويدينه ارهاف = حبّه دخل باقصى الضماير دخلها
ماظن له عمله على كل صرّاف = ولاظن مع دوج الهوى من هملها
كتبت له بالشعر قاف(ن) ورى قاف = وزرعت له بين المحاجر نفلها
ربعّ بوسط القلب والقلب ميلاف = ولاشفت له بين العرب مع دولها
ذبحني الفكسار دوّار طوّاف = والقلب يخفق حيل وعيون دلها
اخلصت له حبي عن الغير باسراف = وقصرت خطاي اللي منوّل طولها
ياللي تشوفونه عسى مابه خلاف = تكفون قولوله رموشي فتلها
عنتر شجاع وجاير الوقت خوّاف = واللي يبي عبله يدوّر عبلها[/poem]
فوّاز الكرشمي
-----------------------
ورديت عليه بابيات عسى ان تنال اعجابكم ورضاكم
اقول فيها
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللّي مولّع في هوى زين الاوصاف = عنّاك في دربه وروحك شتلها
فوّاز حظّك // عوّد ارباع وانصاف = والاوله / والثانيه / مانت بلها
قدامك عتيبه ومن خلفك اشراف = ومطير في دربك تنوّخ جملها
والدرب قدم العين بالعين ينشاف = وانته ذلولك في المضحّى تعقلها
والسيف الابيض صار في حكم سيّاف = لكنّ / نفسك عزّها عن جهلها
اللي يمر البيت يسعى / ويطّاف = والله يجازي / كل نفس بعملها
وانته يدينك توّها ارقاق واسخاف = ولاتقطف الاثمار حتى تصلها
دوّر على اللي يركب الونش والهاف = ولاّ هل الفكسار دوّر بدلها
خلك بشانك واجعل يدينك انظاف = لاتهجد العربان ليل / تختلها
من دون خلّك حالت سيوف(ن) ارهاف = تبغى المعاسل / مير يلسع نحلها[/poem]
وسلامتكم
نواف المطيري
مواقع النشر (المفضلة)