بنت الحمايل ماتجي داخل الشااات 00 بنت الحموله عند ابوها محشوومه...الموضوع للنقاش

[@ريــــــــم@]

اولا السلام عليكم ورحمة الله وبركاته

طبعا اللي يقرا العنوان وحب يناقش يجي حياه الله

بيت شعر قوي لكن ماهو في محله ليه النظره هذي للبنات بصراحه ما توقعت

هذا البيت من ناس استخدموا الانترنت ويعرفون ايجابيته وسلبياته

الانترنت دخل كل بيت صار الصغير والكبير يستخدمه سوا ولد او بنت سوا شاب او

شايب ...ومن ضمن فروع الانترنت الشات اللي تقدر عن طريقه تناقش وتسولف مع

فئه كبيره من المجتمع من دون حدود او قيود ليه تنظرون للبنات اللي دخلون الشات

نظره دونيه ..

بنت الحمايل ماتجي داخل الشااات 00 بنت الحموله عند ابوها محشوومه.

حنا بنات حمايل والشات ما يقلل من قدرنا شي وربي انّا ندخل ونسولف ولا يهمنا

باالعكس نوصل للناس طريقة تربيتنا والاسلوب اللي ربونا عليه اهلنا

ولا تتعدا سوالفنا الشات اما ارقام وخرابط هذي اللي ما تربينا عليه

نرفض نعيش الذل ونلبس هدومه
على المبادى نشأونا..عزيزات


واذا كان على قولت الشاعر بنات الحمايل ما يدخلون الشات ليه

عيال الحمايل يدخلونه؟؟؟؟!!!


هذي وجهة نظري واتمنى كل واحد يقول وجهة نظره بهذا الموضوع بالذات

الشات مو عيب العيب الاسلوب اللي تكتب فيه بالشات


اختــــــــــكم

ريـــــــــــــم

[نواف السعدوني]

[align=center] السلام عليكم ورحمة الله وبركااته


اختي من يقول هالكلام انسان غير وااعي انسان جااهلي ..


بخصوص الشبكه العنكبوتيه .. فيه الزين والشين وليس لاحد ان يحكم على الغير وصدقيني اختي هذا ماتكلم الى لانه ذايق مراارة بناات الحماايل ياليت تتاكدين منه هل هو ولد حمايل ......!!!!


وانا برأيي ان الشات او الانترنت بالاجمل .. مثل الجوال .. تلقااه مع كل النااس
والجوال معرووف تقدر تستخدمه بالصالح وتقدر تستخدمه بالفساد


كل امل اني ابديت رأيي بالشكل المطلوب ..


تحيه مني انا ::شـــاعر مشاعر [/align]

[راحيــــــــل]

[align=center]بنت الحمايل ماتجي داخل الشات

هههههههههههههههههههههههههههه

ضحكني البيت بصراحه

ليش على باله الشات سوق ولا بار ولا كازينو هههههههههه

والله انا مالي دخلات عالشات الا نادرا

واذا دخلت ماتتعدا العشر دقائق لاني بصراحه احس بتفاهه ههههه

الشات يجمع بين الصالح والطالح

ومو كل بنت تدخله نحكم عليها انها تبي تتعرف

او نحكم عليها احكام جائره ....آلخ

وبنفس الوقت فيه بنات الله يستر علينا بس منهم

ضائعات بمعنى كلمة الضيااااااااع

يمكن اخونا في الله الللي كتب بيت الشعر ذا

شاف النوعيه الاخيره وحكم على الكل

بس ذا شيء غلط

عموما

مو هو ولا غيره يحكم على اخلاق الوحده حكم جائر ومن راسه

بدون لا دليل ولا اثباااات

الحمدالله والشكر بس[/align]

[صمت الوداع]

اقولك وبكل فخر

صح السانك

وتسلم اناملك على ماخطة

وتحياااااااااااااتي وتقديري

[الـوقـت]

[align=center]وعليكم السلام ورحمة الله وبركاته

أختي الكريمه ريم .. ~

سوف احاول الإختصار قدر الإمكان .. بكل صراحه ..
الوجه الحقيقي هو ما نراه في الدردشه سواء كانت كتابيه أو صوتيه ..
والوجه المثالي ( إن صح التعبير ) هو ما نراه في المنتديات ..

الأسباب كثيره لهذا التناقض .. فمن الأسباب هو إحساس الشخص بأنه غير مراقب وغير معروف في الشات .. فهو لا يخاف أن يُخرج اسوأ مافي نفسه من عُقد والفاظ بذيئه ( بسبب وبدون سبب ) إمّا بغرض التنفيس أو لمجرد المتعه الشخصيه ..!

قد شاهدت أصدقاء من منتديات في شاتات صوتيه وكتابيه .. ولا أُبالغ حين أقول بأني صدمة جداً بما رأيته منهم من تناقض كبير .. سواء كان في أسلوب النقاش أو التعبير عن الرأي ..!!

انا دائماً أُفضل الصداقه عن طريق المنتدى .. حتى لا أكتشف أشياء لا أريد إكتشافها ..!

موضوع مهم طالما راودني ..

كل الشكر والتقدير ,,
[/align]