[align=center]الشاعر | نايف صقر
[/align]
[poem=font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
( 1 )
\
سرابه
\
القلب كل ارباعه خلي وعروق =يقرا به الظامي قصيدة سرابه
للريح في رمل التباريح محروق =وتلعب خماسين الوله في ترابه
ومع القلم هات ابيض الطرس ياصفوق=راعي الهوى ماجابنا.. الوقت جابه
لو من حل حكاية الشهد مخلوق =ماكرم الله العسل في كتابه
لو للسحايب ياطويل الهدب سوق =شريت لك برقٍ رهيف وسحابه
هتانها ياصاحبي لو هطل فوق =اخضرت اطراف السما من عتابه
شاعر عيونك لاكتب فيك طاروق=تختال اسارير الزهر في ثيابه
والفرقا ماتنبت بختري ورقروق=ولاتشرح الصدر الحزين الربابه
وكان انكرت صوتي وتوديهي النوق=باموت من قل الوفا والصبابه
باسباب ما اعاني من الوجد والشوق =إن غبت .. اجروحك بقلبي تشابه[/poem]
[poem=font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
( 2 )
\
وجه الطريق أسمر
\
الموت حظ القلم والمجد للدفتر=حبر القلم غلطتي وايامي اوراقي
الخوف يجتاحني وجه الطريق أسمر=راح اكثر العمر ياخوفي على الباقي
ياجرح رافقتني للناس لاتظهر=وان عشت في نظرتي مامت باعماقي
ياصوت لاتلتحف صمتي ولاتصبر=قل ماتبي واترك الهقوه على الهاقي
والخطوه اللي عن آخر سكتي تقصر=ماهيب من طبع رجليني ولاساقي
مانيب من عاش لايربح ولا يخسر=ولاهو ضرري تكون أفعالي أخلاقي
ثراي ماينشد الغيمه متى تمطر=مادامها في سماي تحن لاغراقي
رح وين ماتشتهي رح قد ماتقدر=أنا اول الناس في قلبك وانا الباقي
يكفيني انك تعذبني وانا اتفجر =قصايدٍ تنتظرها كل عشاقي
وانا قصيدي يجي مختارني مهجر =وأنبت عشانه نخل وسنيني الساقي
[/poem]
[poem=font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
( 3 )
\
طلت البندري
\
طلت البندري مثل النهار الجميل =ياهلا بالعيون السود واجفانها
كنها مهرة شقرا صغيره واصيل =عزوة اخوانها وعيال عمانها
عين حرٍ يهدونه ورمش طويل =من عشقها غدا بدروب سلوانها
ماعليها ولو قالواقصيرة جديل=من بهاها القلوب يهج بيبانها
[/poem]
[poem=font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
( 4 )
\
بين الصور والرسايل
\
القلب عود يفوح والطيب من مكسره =تحته من الجمر مايوقد سكات الرماد
والعين مغرورقه بالدمع ومبعثره =بين الصور والرسايل والدجا والسهاد
حنا اليا حسبنا مازرعنا الذره =قل للعصافير تتركنا وقل للجراد
البارحه جف في غصن الملام ثمره =عقب البياض انكسر ضلعه وسال السواد
والناس خلان قبل الريش والمحبره =شعوب وفخوذ واحباب وصباح وهجاد
هذا الجمل لو سنامه سامك فـ ظهره=ماله عزوم يقوم بها ولا له شداد
ياذيب عيد على قلبه وفج نحره =دامه رغى عقب هدراته وشم الحماد
تمخض الوكر والقرناس عن حمره=في راس قشعه لعب فيها الظما والنفاد
يوم النحاس انصدع لونه وذاب أصفره =غنيت للسنبله كل اغنيات الحصاد
مايدفي الا الوبر والوصل والمقدره=لازاد شوك الشتا في راحتك والفؤاد
ولاصار ما لك اليا منك ركضت اغبره =شوري عليك اترك البيدا .. وكب الطراد
[/poem]
[poem=font="Simplified Arabic,5,black,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
( 5 )
\
وش خطاي إلا المحبه
\
ليت لي ذود يدك البيد واحداله لحاله =كان ماوالله علي خلاف في نجد العذيه
جفت اقلام الغرام وطول المحبوب باله=والله اني ماهقيت ان الغضي يقسي عليه
وش خطاي الا المحبه وش رجاي الا وصاله =وش يبي غير الموده والغلا والمقدريه
دللوه اللي ربوه صغير واسرف بي دلاله=ليت لي قلب يطيق الصبر وعيون خليه
والغضي لو لاعه التحنان وبقلبه عداله =ماغذت من دونه القيعان جردٍ جرهديه
وان تشره قايد الغزلان ماله بي جماله=لعنبو من خان خلانه وجنب عن خويه
عن جنوبه والوله والشرق يغنيني شماله=صد ياقلب الجفا لاصد وضاح الثنيه
ماانت ياالخفاق عبد له ولا انت اصغر عياله=انت خفاق الضلوع العوج والخيره خفيه
[/poem]
تمنياتي للجميع بالتوفيق ..
مواقع النشر (المفضلة)