توجاد,,, والات موسيقيه,,, وتشبيه ,,, وغزل ,,, لسلطان الهاجري
بسم الله الرحمن الرحيم
السلام عليكم ورحمة الله وبركاته
مساكم الله بالخير اخواني اعضاء المنتدى والزوار والاخوات ,, انا من طبعي اني احفظ واكتب والاغلبيه اني احفظ قصايد ,,, هذه القصيده لابن وسام ((( الشاعر المعروف سلطان الهاجري ))) ,,, وهي قصيده لها لحن ولحنها شي عجيب لكن للاسف والله اتمنى اني انزلها على المنتدى لكن ماعندي وصله ,,, ولكن اليكم الابيات التي تحمل الالات الموسيقيه والتوجاد والغزل وكلها تجتمع في هذه القصيده ,,,,,,
[poem=font="Simplified Arabic,4,black,bold,normal" bkcolor="red" bkimage="" border="double,9,sienna" type=1 line=0 align=center use=ex num="0,black"]
يالحون العود ولا يامجارير الربابه
اختلف معنى القصيد وضيع الفنان فنه
حلم مدري علم ولا نوض برق(ن) في سحابه
واثرها طلة جبينه يوم زاح الليل عنه
اقبلت مثل الفرس لاسمعت طبول الحرابه
مقتفيها ليل(ن) اسود والنجوم يفرقنه
النهار يمر ويعدي وليله في عقابه
والنحر صبح(ن) تجلى والجدايل كنهنه
مخمل(ن) يلتف حول الجيد الاتلع بالنيابه
عن سلاسيل الذهب والماس خوفي يجرحنه
غاب عني والوله خلاه عندي في غيابه
مادرى ان فرقاه نار ولا درى ماه جنه
ياوجودي وجد عود(ن) لاعيال ولا قرابه
ماجداه الا يون ويردف الونه بونه
لا لقى فزعة رفيق ولا دعاة مستجابه
كل مامسى له بظن خيبة الايام ظنه
وياوجودي وجد من صفق على ماضي شبابه
بان شيبه والسنين اللي يبيهن خالفنه
غرته خضر السنين وراح عمره مادرى به
غررنه وارفعنه لين سج وحولنه
ذاك وجدي في غياب اللي نزح والله جابه
صح فرض الله فرض وسنة الرسول سنه
الغلى جسم(ن) رقيق ومرهف احساسي ثيابه
مثل غصن الورد يوم ان الهبايب يطرقنه[/poem]
انتظروا مقطع الصوت قريبا انشاء الله بعد يومين تقريبا
وتقبلوا تحياتي وصادق مشاعري
رد مع اقتباس
مواقع النشر (المفضلة)