عنــود الصيـد
الشاعر / محمد بن عطا التيماني رحمه الله من كبار الشعراء في منطقة الجوف وله العديد من القصائد الخالده
توفي عام 1420 هـ عن عمر تجاوز مائة عام
اخترنا لكم من شعره هذه الغزليه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتلوم اللي حوالـه مثـل حالـي=ساهر(ن) بالليل وهمومه خفيـه
يحسب الساعات ويعـد الليالـي=ولو يشق الجيب مابـه منقديـه
من عشير (ن)بالمحبه سم حالـي=جارح (ن) كبدي وبين بي سطيه
عيني اللي دمعها يهمـل همالـي=من صواب الترف مجلـي الثنيـه
شل قلبي وانتحى ماهـو بحالـي=ناوي (ن) قتلي ولو قتلي خطيـه
ياوزين الروح ياحسـن الدلالـي=حالف (ن)مااعزاك دام النفس حيه
ياعنود الصيـد ياعيـن الغزالـي=قايد الخفرات بأرض (ن) جرهديه
مسكنه بالجوف ببـلاد الشمالـي=من عوانينـا ولاهيـب اجنبيـه
من جميع البيض ليته لي حلالـي=لاستمع لامره وناخذ لـه تحيـه
ليت ربي سخره يلطـف بحالـي=ويرحم (ن) ويروف بالحال الشقيه
لاتطب السـوق ياحالـي ومالـي=تذبح المخلوق تكسب لك خطيـه
[/poem]
مواقع النشر (المفضلة)