بعيد ٍ عن المشاعر المحزنه (( قصيده فكاهيه )) عباره عن محاوره بين الجمس وصاحبه
بسم الله الرحمن الرحيم
والسلام عليكم ورحمة الله وبركاته
قصيده فكاهيه عباره عن محاوره بين الجمس وصاحبه وللأمانه هي لأحد الشعراء
ولا يحضرني أسمه لبطء حفظها ولوقتها الفائت
ولروعة القصيده بقت في الذاكره لسردها على المتذوقين للشعر وفكاهته
كان هناك شخص متولع في سيارة الجمس لما ذكر فيه من مدح أغرى هذا الشخص
فقرر الذهاب لأحد المعارض لشراء أحد المعروض فيه من سيارات من نوع جمس
وهو يتجول في المعرض وقف ناظره على جمس كان موجوداً هناك
فأراد أن يعبر عن مدى أعجابه بهذا الجمس من صدق مشاعره فجســم هذه الابيات
فقال :
[poem=font="Arabic Transparent,5,white,bold,normal" bkcolor="black" bkimage="" border="none,4,gray" type=2 line=1 align=center use=ex num="0,black"]
ياجمس ياللي في سرى الليل مشهور = سبوك ناس وتمدحك فيك ناسي
واحد يقول الجمس يصبر على الجور = واحد يقول الجمس راعي أعكاسي
والتجربه يا جمس عن كل دكتور = ودي عليك أدور عقب المماسي
أمـارجعت وقلت ياجمس مشكور= ولا رجعت وقلت ياجمس خاسي[/poem]
فتفاجئ هذا الشخص بالرد المباشر من قبل الجمس وأدهشه ماقال :
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=1 align=center use=ex num="0,black"]
اللي ذكرني بأطيب العلم مذكور = وكل ٍ ذكر ماواجهه من جناسي
أن دق سلفي والمكينه بها سيور = طار الغبار اللي تشوفه دماسي
وأوزن هواي وضبطه عند مامور =وعلم راعي الورشه يظبط قياسي
والسوق فن وذوق لا تصير مغرور =وأحذر تهبد بالفرمله وأنت ناسي
ماني عراوي ترتعش من هوى المور= اللي مع اللفه يجيها ألتماسي
وأسر علي ولع السقف والنور = أن كان يالسواق مابك أنعاسي
تاصل على مقصدك والبال مسرور = ويظهر لك البرهان كانك سياسي [/poem]
وبعد ماسمع هذا الشخص ماسمع من الجمس الشاعر أخذه بأغلى
سعر دون مهاوده أو تردد لان الكلام أغنى عن المشاوره
وبعد ماتم شراء هذا الجمس قرر الذهاب عليه للتجربه والنزهة ٍ معاً فأخذ يجوب الديار شمالا وجنوبا متباهي به فأراد ان يجربه بالصحراء وعلى الجبال فبعد ان صعد الجبل الاول والثاني وقف بالثالث لوعارة الطريق وأصبح الجمس متأرجحاً بين صخرتين كبيرتين
وأخذ يحاول ويحاول دون جدوى فلقد غربت الشمس وهو على وضعه المحرج
فنزل وهو غاضبا وقال
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=1 align=center use=ex num="0,black"]
انا شريتك يوم شاورت بك شور =ياليتني خليت شوري براسي
الشمس غابت وانت بارك على الدور = وأحرجتني بين الجبال الرواسي
ماكن بك قير ٍ ولا فيك ماطور =ويبّست حلقي بالقطيعه يباسي
والله لا أبيعك بيعة ٍ مابها شور = لأنك على ماقيل خايب وخاسي
وأكتب لك السودا على معرض النور =وأوزع النشرات فوق الكراسي[/poem]
فرد غاضبا رد المظلوم المتألم من ظلم هذا الشخص وقال
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=1 align=center use=ex num="0,black"]
أنشهد اني وافي ٍ مابي قصور =مير الغشامه فيك زادت حساسي
ذبحتني بالكذب والظلم والجور =وفضحتني بالناس وأرخيت باسي
بعني وفارقني وأنا منك مسرور= وعليك بالددسن بقيمة طفاسي
فيك الغشامه والجهل لاعبه دور =لا وااااااااااخساره مستواك الدراسي [/poem]
وبعد ذلك غربت الشمس مرارا وتكرارا إلى أن مات ذلك الشخص من العطش والجوع
فيالها من نهاية ٍ محزنه لهذا الشخص وجمسه العجيب فالحذر الحذر اخواني من جموست هالوقت .. :)
والسلام ختام
مواقع النشر (المفضلة)