بسم اللله
يا فلان ؟
تعال اسمع كلمتي
نصيحتي
اسمح اللي بخاطري عليك
ليش ضيعت حياتك
دمرت نفسك بنفسك
ادري كلامي قاسي معك
لكن يششهد اللله لولا غلاتك ما طلع مني بهالقسوة
اخي
اسمع اخوك محمد لاخر مره
واعلم
انه
فيــــض من غــيــض
يا خوي اسمع كلمتي رغــم الأنـكـاد
من اللي يجول بخاطري من نكادهـ
أول انا فيك .. افتخر بين الأجواد
واليوم .. ما تسوى بعيني جرادهـ
دام المراجـل ما لهـا عندك أبعـاد
تبـّـاَ َ لوجهك يا ضعيف الإراده
المجد ماهو لك .. و لا.. لك بالأمجـاد
المجد للي .. يدركــون الشهـادهـ
روس العيال اللي خذوها بالأيــاد
يمشون لـه رغـم الظروف بجلاده
ولا أنت قلـّـي يا أسود الوجه ما فاد
غير الردى .. والبهذلــه .. والبلادهـ
ترقص لك افكار الخطا و أنت منقاد
تمشي وراها .. ليـن .. بيـّـن سواده
وش نلت.. وش سويت.. وش صار.. وش عاد
وش مكســبك .. من ضيعتك.. والقراده
تبي الصراحه ؟!. و أسمعه قدّام الأشهاد
من واحد ٍ قاس الأمور....... بركاده
من لا يروم العـز.... قدّام الأولاد
لا وا عذاب أمـّـه.... بكبر الوساده
وسلامتكم
محمد الوضاح التمياط الشمري .... الرياض ..
مواقع النشر (المفضلة)