قصـــة ســاره والنــت
السلام عليكم ورحمته الله وبركاته
هذهي قصه أماني مع النت ... دخلت أماني النت كإعادتها فتحت الصفحة واختار اللقب ...
وبدأت تحادث هذا وذاك وتسال عن حال هذا وذاك كالمعتاد ومع مرور الوقت طلب خاص من قبل احد الفتيات ... رحبت بها ورد السلام وسالت عن الحال وغيرها وبصوره سريعة اللحت الفتاه إن تضيفها أماني الي الايميل فتعجبت أماني لصرار البنت علي االاضافه قالت لها أماني أمري ممكن أخدمك هنا تقصد الشات قالت لا أبي الايميل ممكن ؟ رحت أماني وألصقت أيميلها وسوت أضافه لها...
دخلت أماني والبنت للماسنجر وبدت أماني ترحب وتهلي فيها قالت البنت علطول أنا محتاجتك
وأبيك تسمعيني إذا ممكن قالت أماني مو مشكله أسمعك قالت ممكن تعطيني اسمك قالت أماني ضروري قالت معاك سارة من الرياض وأنتي قالت أنا أماني وينادوني أهلي تهاني ويدلعوني أمل ههههههههههههه ضحت أماني بصوت عالي قالت البنت لا جد اسمك قالت معاك أماني من الرياض قالت سارة عندك مايك قالت أماني إيه قالت ممكن تشغلينه قالت أماني أنا اشغله لناس مخصصين مو كل من هب ودب قالت أنا عندي مايك وبشغله لك وأبي تشغلينه أنتي بعد وأنا والله بنت مثلي مثلك ...
شبكت أماني المايك وبدأت بالقبول لدعوة سارة للمحادثة الصوتيه ..
قالت سارة أنا عندي كلام كثير أبي احد يسمعني ؟..
قالت سارة لاماني صوتك ماشاء الله حلو قالت أماني الله يسلمك ماعليك زود
المهم قالت سارة أنا بقولك سألفه صارت معي قالت أنا بنت ونحتاجه احد يهتم فيني ويحن علي وأمي وأبوي منفصلين عن بعض أمي بالشرقية عند أهلها ومتزوجه هناك وأبوي بالرياض لكن ابوي الله يهديه عايش بعالم لحاله وأنا لحالي أبوي اكبر اهتمامه البنات والوناسه قالت بداية قصتي دخلت الشات وتعرفت علي شخص وحييته وحبني طبعا مع الوقت انتقلنا إلي الماسنجرومرت الأيام وتعلقت فيه أكثر ولاهو نفس الشي حسيت بوجودي واني عايشه لقيت احد يشاركني همومي وأحزاني وأفراحي لقيت احد يسال عن حالي واحد يفقدني
المهم كلمني علي الجوال ومع الوقت طلب انه يشوفني طبعا رفضت لكن بدا يقول إن وضعك حلو وانه مافي احد يحس فيك ولا راح احد يفقدك انتي اطلعي السواق وانا باخذك من هناك
المهم حجز غرفه بمكان معروف وحصل وطلعت معاه بدات جلسه عاديه تعارف وجلسه برئه
قالت اماني متاكده ماسويتو شي قالت لا والله ومع الايام رجع واشتاق وقال ابي أشوفك نفس الحاله اعتذرت وبدا اهو بكلامه المعسول الحلو وقال أني أنا احبك وبزوجك ولا اقدر استغني عنك وأنا بغبائي وافقة لكن الطلعه هذي غير اخذني من عند البيت ورحنا لاستراحة وفي احد الغرف غرفه نوم ودخلنا الغرفة وصارت إحداث فوق الخيال ومن الطبيعي إذا اجتمع بنت ولد بغرفه النوم ولا يخفي عنكم صار شي يشيب منه الراس كان معي وصديقه يصور بالجوال من مكان قريب من الغرفة وغير ذالك كانت كاميرا الفيديو موجودة فوق السرير بين الستاره مخفيه بطريقه ذكيه بعد ماانتهينا رجعت البيت من الشخص اللي امنت نفسي وروحي معه لكن صار شي ماحسبت حسابه ومع مرور الايام يزيد طلاباته وانا صرت ارفض ويوم من الايام وانا معاها بالماسنجر ارسل لي مقطع فيديو كانت الصاعقه الا هذي انا واهو بغرفة النوم .......
قالت تنفذين اللي ابي ولا تنتهين ..........
بعدها دق علي وقال وش رايك بكيت من قلبي قلت له ليش سويت كذا انا وربي احبك ولاعمري فكرة اضرك بشي وانا ماقصرت معاك وبدا يعايرني ببوي ابوك راعي بنات وشراب وغيره وامك منحاش من ابوك المجنون قفلت وانا زي المجنونه مو قادره اتصرف .....
قال فيه حل قلت ايش قالت اتزوجك مسيار رفضت انا توني صغير وعمري 23 سنه ازوج مسيار تبيني اقتل شبابي بالزواج الزايف هذا قال مافي الا ه الحل وابوك كذا ولا كذا يبي الفكه منك وامك متزوجه مع زوجها مو ساله عنك بكيت ولمت نفسي ليش سلمت رقبتي له بيدي
وحدث طلبني من ابوي وللاسف ابوي فرح بالهشي انا وافقه علي هالشي رغم اني كاره بس هذا اقل من الفضيحه وكلام الناس وصار وتزوجته وصار يجيني البيت لكن الحال مادام حسيت الناس بدا تشك في اللي داخل وطالع يوميا بالليل وهو مل من هالحاله قال بطلعك بشقه لحالك
ورضيت وقال ابوي لاهله اني رحت الشرقيه اعيش عند اهل امي ........ ومرة السالفه عليهم سكنت بشقه قريبه من بيت الوالد مع الأيام تعلقت فيه أكثر ولا صرت اقدر اصبر عنه رغم الحال اللي أنا عايشه فيه علي الرغم أني متاكده من حبه لي
صرت انتظر الليل علشان يجي وصرت اعرف الأوقات والساعات اللي يجي فيها
الحمد الله كان يعاملني أحسن معامله قالت أماني كم عمره اهو قالت سارة 32سنه مع الأيام تعودت علي هالعيشه وكان كل يوم عن يوم يثبت لي انه يحبني وانه ما يقدر يستغني عني وأنا شي ضروري بحياته واعترف لي انه يحبني وانه ما يقدر يزوجني زواج شرعي قدام الناس لان ظروفه المالية وانه مالقي إلا هذا الحل اللي يجمع بيني وبينه .....
وفي يوم من الأيام جاء بالليل واهوبالعاده بعد الساعة 2 يرجع للبيت بحيث مايحسون أهلة
وباليوم هذا اليوم تأخر ماطلع وبحدود الساعه 2ونص توقضت مثل عادتي أروح موعدي مع اللي ما ينام وقمت أتسحب بشويش رحت أتوضئ واصلي واهو كان صاحي وما حسيت فيه وبالصدفة شفته بمرايه الدولاب كانت قبال السرير واهو يسوي نفسه نايم ...
أنا بديت اصلي وبعد ماانتهيت من الصلاة بديت ادعي وأنا ابكي وبعد ماخلصت رحت ونمت معي أني كنت اعرف انه صاحي وشايف كل شي ...
المفاجأة أني قمت الصبح واهو لازال موجود قومته ناصر قوم شف كم الساعة وأنت وراك دوام صحي وجه مثل القمر ماعمري شفته كذا من قبل قام يعني عدل جلسة لأنه كانت منسدح وقالي صباح الخير ياحلي زوجه بالدنيا اسمع وماني مصدقة أذني بكلمته هذي ولدتني من جديد رغم أني سمعت كلام الحب كلة منه بس هذي حسيبه من غير تزيف قالي أمس وأنتي تصلين دعيتي لي ولا علي لاشعوري ضربت بيدي علي صدرة وضحك ضربته من خوفي عليه وارتبط لساني وماعرف وش أقول قمت مسرعه أجهز الفطور وكان أحلا صبح بحياتي كانت أشوفه مثل طفل برئ رابح جاي وطول الفطور مانزلت عيني من عليه كنت أطالعه كيف يأكل
تمنيت تجيني الجرأة واكله بيدي وبعدها ودعني وباسني علي جبيني وطلع ....
طلع وقلبي يدعيله أني ربي يحفظة ويخليه لي ولا يحرمني منه....
ومره الساعات كان بالعادة كل صبح يدق علي لكن هذا اليوم مااتصل ابد دقيت عليه مايرد وارجع ادق ومايرد بدأت اقلق واذكر الله واهدي نفسي وعلي هذا الحالي الي المغرب وبعد المغرب قفل جواله وزاد خوفي وقلقي ورحت صليت وادعي وادعي يدق بس يطمني عليه
وفي حوالي الساعة 1 ونص سمعت صوت الباب رحت مسرعه وأعاتبه ناصر وش فيك ليش ماترد علي ليش قفلت جوالك صرت امرر يدي علي جسمه فيك شي يعورك شي يتهئ لي انه مسوي حادث أو صار له مكروه
صار يطالعني ويضحك أنتي دايم كذا مرتاعة وقلقانه هدي نفسك قول وعليكم السلام وش اخبارك اول بعدين اساليني وين كنت .... احمر وجهي وقالت بهدؤ وين كنت وليش ماترد علي
قال بكرة جهزي ملابسك قالت وانا خايفه ليش انا قصرت بشي طلبت مني شي وقلت لا ناصر تكفي لاتخليني انا والله محتاجتك جاء في بالي انه راح يطلقني ويردني بيت ابوي جلس يضحك بصوت عالي ويضحك وانا شوي وببكي ناصر وش فيك قال انتي اللي وش فيك يابنت الحلال
انا طول اليوم كنت مشغول رحت الدوام واخذت اجازه اسبوعين وبعدين حجزه لدبي روحي جهزي نفسك بكره انشاء الله رحلتنا الصبح الساعه 9 قالت اانت ومين قال انا ومين يعني قالت انا وانت قال لا انتي وانا هههههههههههه وقتها حسيت اني ملكت الدنيا ومافيها ......
قالي بكره ابيك تلبسين بنطلون وعبايه علي الكتف ولثام قالت مااقدر البس كذا قال ليش البس بنطلون ممكن غيرة لا قال ليش عادي قلت انا رايحه اتمشي ولا اعرض .....
طالعني بنظرة اعجاب وكأنة كان يبي يعرف ردت فعلي ....وصار ولبست عباية علي الراس وبرقع وطلعنا المطار وبعد اسبوعين رجعنا من دبي ............
وبعد اسبوع تقريبا رحت المستشفي كنت اشتكي من مغـص وطلعت حامل........
وحسيت حياتي انتهت بالخبر هذا وماعرفت كيف اقول الخبر لناصر كيف بتكون ردة فعلة
فكره اطرح الجنين بس ماعرف كيف كنت خايفه في أي لحظه يجي ناصر ........
كان الوقت العصر ... وطول اليوم كنت مثل المجنونه ادور بالشقه ماني عارفه وش اسوي
اقوله ولا اسكت .......
لما جاء ناصر خليت الوضع عادي بس مع الوقت ما قدرت أتحمل كان ناصر جالس وأنا قبالة واطالعه حس ناصر بشي قال سارة فيه شي قلت : لا قال : أكيد قلت : أكيد........
حسيت بضيق بصدري ولقيت نفسي تحت رجل ناصر ابكي قلت ناصر والله مو بيدي غصب علي أنا عارفه انك ماتبي هالشي ولا أنا بس مو بيدي مو بيدي وأنا ابكي قال ساره وش في ماني فاهم شي مسح بيده علي راسي سارة عمري وش فيك وأنا حاطه راسي علي ركبته وابكي رفعت راسي قلت ناصر تكفي لاتتخلي عني أنا ماقدر أعيش من غيرك مالي احد من بعدك أنا أسفه طالعني وقال أنتي حــامل صح ....
رديت وأنا خايفة إيه بس والله موبيدي .... طالعني وابتسم ماصار شي طمني انا ماقدر استغني عنك حتي لو انتي قدرتي وقف ووقفت وطالعني براءة من قالك اني زعلان وخذني بحظنه وهداني قال تدرين هذي اسعد لحظه بعمري وانتظرها من زمان ........ استغربت من كلامه
قال : جاء الوقت اللي اقول للناس كلهم اني متزوج وبكون اب قريب واني اسعد رجل علي وجه الارض .....
واكرمني الله وهدا ابوي وتزوج من مرأة صالحه وامي توفقت مع زوجها وانا صرت ام لبنوته مثل القمر ...
وهنا دعوة لباب من دخله ماخاب وهوالصلاة اخر الليل ..... واذا ابتلاينا بمصيبه ان نلجي لله بالدعاء اخر الليل .... بها ساعات الاستجابة ..
اخوتي هذه قصه من خيالي اتمني ان تنال اعجابكم .. ولكم مني الشكر ........
ســحر الانــوثه ..
رد مع اقتباس
سحر الأنوثه
مواقع النشر (المفضلة)