انوع البنات عند الاشاره
النوع الأول
تحط الجوال على اذنها >>>> يعني شوفوني أكلم وجوالي كشخه
وجوالها أصلاً مفصول ابوها ماسدد والا المكافأه تأخرت
والا لابسه نظاره مغطيه نص وجهها
النوع الثاني
تلقاها حاطه يدها على خدها
ياتكون طفشانه ودها هي اللي تسوق ((بس حامض على بوزها))
والا بس تبي تعلم الشباب انها بيضا ونعومه <<< واللي سميره الله يخلي كريم الاساس ^ـــــــــ^
النوع الثالث
تلقاها ماغير تقز في العالم
شوي وتدخل معك في السياره
واذا حطيت عينك في عينها عطتك تشميقه يحبها قلبك
النوع الرابع
تلقاها تقرب من زوجها شوي وتلصق فيه
والا ماسكتن يده حتى اذا جا بيعشق السياره يبتلش فيها
هذي تسمع بالرومانسيه بس غشيمه
النوع الخامس
ونسميها المطيوره
شوي تلقاها تسوي الغطوه
شوي تلقاها تعدل جلستها وتتحرك كن قارصها عقرب
وهذي أقرب الظن انها صغيره وتوها تتغطى ولابعد ركدت
النوع السادس
النوع البريء ... تحس انها تطالع فيك
وهي والله ماجابت خبرك
ولو تأشرلها منا لبكره مادرت عنك
النوع السابع
المضحوك عليها ومصدقه نفسها مزيونه
وفي يدها علبة مكياج وتتمنظر في صلعة السواق
النوع الثامن
النوع المسترجل 00 دايم مطلعه يدها يدها مع القزاز
وتطالع فيك كأنها تعرفك والا ودها تاخذ لك صورة تذكاريه
النوع التاسع
عبيطه ورافعه صوت المسجل وتهز راسها مندمجه مع الأغنيه
ولو الوضع يسمح كان تقوم وتهز وسطها
النوع العاشر
تلقاها منكفته وماتشوف الا طرف رويسها
ومشغوله في حاجه تحت عند رجلينها
والظاهر انها تفتش فالأغراض والا تقشر بصل تستغل وقت الفراغ
النوع الحادي عشر ((زيادة مجانية))
وهي البنت العاقله والورده المصونه
محتشمه وماتلفت الأنظار لها بسم الله عليها
وأقول إن شاءالله انتم من النوع الأخير
ولكم تحياتي........................
مواقع النشر (المفضلة)