&^*^& يـــا ســـــود اللــــيــــالي &^*^&
ياصباح الـورد ياذيـك العيـون النرجسيـه
سلهمي غضي بصرك ولا تزيدين المواجـع
لا تزيدين الجـروح اللـي بقلبـي داخليـه
خل جرحي لاتثيره دام جـرح الحـب هاجـع
أن ذكرت احلا الليالي طابت جـروحٍ دميـه
وأن طرا يوم المفارق ؟رد جرح الشوق راجع
آآآه ياسود الليالي وش بعد؟ تخفيـن ليـه؟؟
كـل ماقلنـا سلينـا ذكرتـنـا بالمـواجـع
ياسقا ليل اجتمعنا فيـه انـا وانتـي سويـه
يوم صوتك في سمايه طول ذاك الليل ساجـع
يوم انا وانتي نسولـف بالسواليـف البريـه
والقمر والليل شاهد يـوم خلقـه بالمضاجـع
أشهد أن دنيا المحبه في تـوا ليهـا رديـه
والله انه من سببها صار هـم القلـب ناجـع
والله انها مثل سمٍ سايـلٍ مـن نـاب حيـه
أول المرسال بشرا وآخـر المرسـال فاجـع
ولو صحيح الحب يقتل؟كان واجهـت المنيـه
كان قيل سنيين عني مات والدنيـا مواجـع
رد مع اقتباس
مواقع النشر (المفضلة)