آمال لا تستغربي كـل الاحـزان
في وجه من حطـم زمانـه حياتـه
غريب غربة روح واحباب واوطان
ترفض جميع اللي حلم بـه جهاتـه
رغت التفاؤل والعزيمه والايمـان
صارن بنات اغلى الامانـي خواتـه
آمال لو تدرين عن بعـض ماكـان
طرفك على حالـي تهـل عبراتـه
آمال انا مهما يورى لـك انسـان
يعيش حزنه خلـف حايـط سكاتـه
حلمه شقا عمرٍ على كف شيطـان
واغلى الطموح اللي من العام فاتـه
ومستقبله كذبـة مشعـوذ ومجـان
وعّرافتـه تعـرف وتنظـر وفاتـه
وحظه لو انه نار والشوف دخـان
اعمى عيونـه ليّـن تحـرق عباتـه
والناس في عينه بني عم واخـوان
واطيبهم اللي شـاف منـه الشماتـه
آمال لايزعجك لاصـرت غرقـان
في بحر صمت السالفـه وازفراتـه
شصاً يدور في ثراى وجه حرمان
عن داعي اسبـاب التعاسـة بذاتـه
واذا تظاهر بالفرح بعض الاحيـان
ياكبـر همـه لـو تبسـم شفـاتـه
إلامعـك كلـه تجاهـل ونسيـان
عينك وطـن كلـه وكلـك حياتـه
الشاعر-راشد الرياحي مع تحيات المطيري
مواقع النشر (المفضلة)