المشاركة الأصلية كتبت بواسطة بـــــــــرق
[poem=font="Simplified Arabic,6,black,normal,normal" bkcolor="transparent" bkimage="" border="double,4,gray" type=2 line=0 align=center use=sp num="0,black"]
اكتبيني يالحروف اسمٍ وعنوان وهويّه= وارسميني في صفاح (الزين) مسحور المعاني
دوّنيني طانيٍ ياكود عن ربعٍ هنيّه= هِمْتهم من طيبٍ اسْبغني .حكم مني عناني
هاكم ابياتٍ نزفته وارفقوا بالله عليّه= كان فيها زلّةٍ والا بها كسر وتداني
ربعي اهل الدار جيت ودمعة العين الشقيه= حبر قافٍ منبعه لبٍ نزل بين المحاني
انظروها قافيه تحكي بطنيه شمريّه= به تِصاويرٍ توضّح من هجر سكْناه طاني
عفت دارٍ كنت فيها بالصفوف الاوّليّه = يوم شفت ان الحرار ابْها تِجازا بامتهاني
دار دام البوم فيها صار بيده آمريّه= لعن ابوها دار لو حبّه ملكني وارتواني
الحرار تهوم فوق ومنزله راس العليّه= والحرار الْها نفورٍ من مهابيط وطماني
والورود اهْنيْ جِيّر والعطيه العطيّه= اعطوا الهاوي هواه وقولوا اقلط للمكاني
قولوا اقلط هزّ سيفك والمجالس احْمديّه= خذْ لراحتْك بديار (الزين) في مدّ السماني
وقولوا اكتب عن قصيد الوجد للشوق الغليّه=وقولوا ارسم ماحصل لك مع تصاريف الزماني
واسمحوا لي ودّي اكتب عن حوالٍ بالخفيّه= يوم حظّي عن ورود الشوق ماقام، وعصاني
(.....) من هزّت كياني (.....) ما غيره هويّه = (....) من شاخت بقلبي دون خفرات وحِساني
حبها عشعش بقلبي حبها كبّل يديّه= حبها فاق الخيال وحبها مامعْه ثاني
من سنين وهي تسيّد للحروف الابجديّه= والله ولا غيره اللي في شعر شقران زاني
هِمْتها لين اعْزفتني عن بعيدي والدنيّه= والحياة ابْها وربٍ نزّل لسبع المثاني
إيه احبه إيه احبه لو رجع الفي لميّه= وإيه ماغيره مرام الشمري والعمر فاني
ماسواه اللي سحرني بين ذيْ وبين ذيّه= وماساوه اللي بقلبي ختمها صار الضماني
إيه لنّ جروح قلبي منّها واهْي الشّفيّه= وإيه لنّه عندي الاولى ولا غيره هواني
قارئين القاف هذا بعض نزْفٍ شدّ فيّه= والبواقي بالطريق بحبّ من هزّت كياني
برق[/poem]
مواقع النشر (المفضلة)