]][[ إضـحـكـي و أدفــنــيــنــي ]][[

[وفيت وخانتني]

ياللي تبين أكتب حياتي بصفحـات&&& بابدى حروفي ودمعتي وسط عينـي

ما كنت أبارسم من عذابي بدايـات &&& ولا كنت أدور عن همومي ووينـي

كنت اتخذ مـن جنونـي علامـات &&& وكنت الوحيد اللي تخونـه سنينـي

ما شفت بعيوني أماكـن وأوقـات &&& أمشي ودربي تحت رجلـي حنينـي

الحزن فيني قـد تعـدى الخرافـات &&& والياس لا منـي طردتـه يجينـي

جواي طفل(ن) بس ما فيه قـدرات &&& قدرتْـه إنّـه لا بكـى يحتويـنـي

ملّيت أسمع داخل الصمت أصـوات &&& ومليت أجامـل دمعتـي بالأنينـي

ياللي تِحَسْبين الهوى ما له آفـات&&& شوفي سواة الحب والعشـق فينـي

جالوت حارب كافر(ن) بالحكايـات &&& وانا اختنق .. واللي خنقني يدينـي

المستحيل إنك تبي تخلـق أمـوات &&& والمستحيـل إنـك تعـوّد جنينـي

بس لو تبي تجمع جميع الذي فـات&&& عيش بحياتـي ثانيـة أو سنينـي

الحزن وزع في حياتـي ابتسامـات &&& ألغـى مواعيـدي ونكّـس جبينـي

بعّدت خطوة واقترب عشر خطـوات&&& ويقول لدموعي تعالـي احضنينـي

بنيت قصري فـي بـلاد المـذلات &&& وزينـت بيبانـه بصرخـة ونينـي

من مَرّ قربه قال : يارب من مات &&& الحزن وَقفْ بين عينـه وبينـي !!

يا منيتي .. يا نشوتـي والملـذات &&& يا كل أفراحي بعـد تسديـد دينـي

جمال يوسف فيك حي ما مـات &&& لا قلت بارحل .. ولا قلت احترينـي

هذي حياتي عشتهـا هـم وآهـات&&& وأزيدها عمر(ن) قضيتـه حزينـي

ياللي طلبتي كل عمـري بصفحـات &&& الحين دورك .. إضحكي وادفنيني !!

م ن ق و ل

اخووكم وفيت ,,,

[al-shmaly]

الحزن وزع في حياتـي ابتسامـات &&& ألغـى مواعيـدي ونكّـس جبينـي

بعّدت خطوة واقترب عشر خطـوات&&& ويقول لدموعي تعالـي احضنينـي


اخوي

محبوب المنتدى

وفيت وخانتني

الله لايهينك يالغلاــــ

وتسلم لنا ع النقل الرايع كروعتك

ولك مني كل الود




؛ وكن بخير ؛

[وفيت وخانتني]

يعطيك العافيه ياخوي شمالي

وشرفت صفحاتي بمرورك الرائع يالغلا


اخوووك وفيتـ ,,,

[ملاك الشمري]

هذي حياتي عشتهـا هـم وآهـات&&& وأزيدها عمر(ن) قضيتـه حزينـي

ياللي طلبتي كل عمـري بصفحـات &&& الحين دورك .. إضحكي وادفنيني !!




يعطيك العافيه يالغلا وتسلم يدينك على النقل الرائع



لك ودي واحترامي




((( ملاك الشمري )))

[وفيت وخانتني]

يسلموا اختي

,,’’ ملاك الشمري ’’,,

على الرد والله لا يحرمنا من ردودك وشرفتي صفحاتي يالغاليه


اخووك وفيت ,,,