بــيــانوكـس أوون وبطبوط ولـد حـارتــنــا
بسم الله الرحمن الرحيم
والسلالالام عليكم جميعا
وصبااااااااحكم ورد ياللي في الصباح
ومساااائكم نرجس ياللي في الليل
ومغريبه العافيه ياللي في المغيربيه
وعصر السرعه ههههههه قصدي وعصر الهناء ياللي في العصر
اما انت ياللي في الضهر مالك الا خيزرانه تموسلك على ضهرك
هو فيه احد يدخل في القايله خخخخخخخخخخخخ :3ar:
اول شي احب اعتذر عن انقطاااعي عن المنتدى
واسمحوولي جميعا
والحيين عااااد خلووني اروووح بكم للسااالفه اللي جاي اقولها لكم :49ar:
وترى صدق صدق وقسم بالله صاااايره :54ar:
بس اني تبلتها بشوي بهارات وملح خخخخ تخبروون غرض الحماس يعني
فخلوونا نرووح نشووف وش صاااار معي في هذاك اليوم
والي هنااااااك :53ar:
يوم من السنين والليالي ويوم كنت صغنون هذاك الوقت وكنت ادرس في الصف الثالث جيم بالتحديد واكل بسكوت ميزان ومرندا ابو ننص مصبوبها في كيس
المهم اني على هالبسكووت والمرندا في كييس اصيييير احسن واحد ولا احد قدي ولا عاد على القناة الثانيه واطالع بيانووكس اووون يالله لالا شي شي مهووب صاحي اعيش احلالالام اكشنيه وانواع التسطير في خواتي اللي اصغر مني بعد هالفلم الكرتووني الرهيب :57ar:
وطبعا في هذاك اليوم جت بيانووكس اوون قوويه وكلها من يوم بدت الي انتهت واهي مطاردات ومطاقات ورمي وحماااااس مهبووول يحبه قلبك وانا متحمس ومشحوون مرره ومنشد تكفيري كله مع الفلم
طبعا بعد ماخلص على وقت المغيربيه كذا هاه قبل الصلاه بعشر دقايق
وانا اطلع من البيت واجلس على العتبه حقت بيتنا والبيت اللي قبالنا فيه واحد اسمه بطبوط ==>> عليه اسم بعد خخخ
طبعا في جمب بيتهم بررحه اللي هو ملعبنا ايام الكبتن ماجد والحين صار ساحة القتال حقت بيانوكس اوون
طبعا لقيت بطبووط الضعيف جالس عند بابهم ولا له من الشيطان طاري بالع العافيه ولا له في المواهش طريق واناتووني طالع متحمس من هالفلم الله يقلعه واقعد اطالع بطبوط هذا بنص عيني في راااااسي حبن ماطحن من جد ادوور حررش :8ar:
طبعا خلووني اوصف لكم بطبوط هذا وشلوون عشان يكون واضح قدامكم
الاســـم/ظافر بس يعيرونه بطبووط
البنيه الجسميه / اطول مني حبتين وعرريض مدهون الصلايب وكان مستصح واسمن مني
الشكل/ الله لا يبلانا مدري وشلون اوصف لكم الوجه المدور كنه مربع استوائي خخخخخ استغفر الله ضرووسه متفرقه و شفته مربعه
طبعا ومالكم في الطووويله ==> لا ياشيخ ماقصرت تراك هع
قعد يطالعني وانا اقووله وش تناضر يالطيب في راسك مطاقه
قال اييييه قلت يله اطلع في البرحه وهو ينادي اخوانه وانا انادي اخواني ونطلع في البرحه
والله لايوريكم في المطاقات والله ياغبرتنا انها طاااايره تقوول مرافس ذبيحه خخخخخخخخ المهم ان بطبوط توطى في بطني ودااااس رمتي وحاس مريري حووس
وكان طارحني وطاب علي واخواني يجووني ويقوولون يالله يامعسل مرق عطه بيانكووس اوون ونا اللي تجيني نشووه مهيب صاحيه وقسم كني ماكل سبنش حق بباي وانا اللي احط رجليني على بطنه واحذفه الا هوو هناااك في قلعة المداا :56ar:
خخخخخ واقووم عليه ولا امداني اووصل له الا وهو واقف وحنا نتوقف نرد النفس شووي (( قصدي دقيقه صمت ))
المهم ان وجه بطبوط مليان من التربان وراااصي (( راسي اقصد )) بني من الغبره خخخخ وانا اهجم عليه في هالفتره الصامته وبكس من يمين بكس من اليسار ويمين ويساااار واسرررع يمكن عشر مرات وهو منصدم من هالسررعه اللي جتني معاد قدر وش يسوي خخخخخخخخ وقفت عنده ردات الفعل :9ar:
وهو يقعد يبتسي ==> يادنيا من انتي له ياناه ياعزتي لك يابطبوووط خخخخ
وحنا نطلع من البرحه منتصرين واخواني قاعدين يريشوون بي فهد فهد فهوودي احسن واحد سعوودي
وانا مغير ادق رقبه قداامه هههههههه ياحلونا من اول يوم دخلنا الا ابووي توه يبي يطلع طبعا الشايب دايم لي الاسطوانه في مخباته من كثر مايجلدنا معاد قدر يستغني عنه
وهو يشووفني ملابس مشتققه وشعري مليان تربان وارقص قال وش ضعفتكم هااه
ياولله الببلشه المهم ان اخوي(( كي كي)) <<== عيارته كذا ههههههه علم ابوي السالفه وهو يمغطنا باللي وحنا نصيح مثل ماصاح بطبوط
خخخخخخخخخخخخخخخخ
وبس وسلامتكم والحاضرين
عاش مرووس وعازف الاورق
خخخخخخخخخ
عاشو اللي يقرون ويرودون
تشكراااتي
ومره ثانيه ياللي تشوفون افلام اكشن وتحمس لاترووحون تهايطون وتنشوب في خلوق الله عشان تهاوشون معهم واخرتها تسطروون هههههههههههه اركد ياخي واذا كانك ماتقدر تركد حط حرتك في اصغر واحد في بيتكم ههههههههههه
يله لاتحرموني بردودكم
مواقع النشر (المفضلة)