طفح الكيل يا نصروايين..
السلام عليكم ورحمة الله وبركاته
ارجو انه ما ينحذف وهذي هي الحقيقه :smile:
الحرامي هو ذلك السارق الذي يأخذ ماهو لغيره وليس الحق في أخذ ( تعريف بسيط للحرامي )
من وانا طفل وأنا أشجع الهلال وورثته عن أبي وإخوتي .. ومنذ ذلك الوقت وحتى يومنا هذا ماشفت نصراوي إلا ويقول التحكيم والتحيكم وهو سبب نكستنا التحيكم هو من حرم النصر حقه التحيكم هو من أردى النصر إلى ماهو عليه الآن ...
وأنا شخصياً ماعمري شفت حكم وقف بدل حارس مرمى ضد النصر وقالهم لاتجيبون هدف ماعمري شفت حكم أشنع وأقبح من حكم النهائي الشهير عام 1415هـ ..
بالله عليكم فريقكم فاشل وضعيف ومتهالك ولعيبه سيئين من ( ابو ربع ) وتاخذون اللي يحذفه عليكم أو بالأصح فضلات نادي جده .. وتبغون الفوز وتبغون البطولات بالغصب ولا تقولون التحيكم ...
أسألكم بالله الحكم ماذا سيفعل بالبيت الخرب أنتم أصلا خربانين خربانين وش يحلم فيه التحكيم حتى يحرمكم من حقكم .. أي حق تتكلمون عنه كل يوم طالعين لنا تقولون التحكيم سوى وفعل . آخرهم مدربهم يوسف خميس قبل يومين بالجريدة يقول نطالب الحكام بالعدل ياخي اطلع من مخي اقول ... !!!
الحكم اللي يقصد هزيمة النصر والله راح يدير المبارات براحه لأنه وبكل سهول إذا أراد هزيمتكم ما عليه سوى التحيكم بالقانون والعدل فبالتالي تنهزمون بكل سهوله والله ماشفت فريق استفاد من التحيكم أكثر من النصر والله تعاطفوا كثيراً معكم وجاملوكم وانا فقط راح اذكر بعض النماذج البسيطه والقانله بحق الهلال . عام 1407هـ فزتوا بالكأس علينا 1-0 والله عينك عينك يوسف جازع قدامه المرمى بس يضربها بالراس هدف محقق جاه دفع من الخلف الأعمى يشوفها وراح الكأس لكم بالضلم والتحيكم .
وفي عام 1415هـ مايحتاج أتكلم عن بطل هذه الامسيه الحكم ابراهيم العمر .
وأخير قبل كم موسم بالمربع الذهبي وكيف فعل الخوجلي بالكاتو جوا الـ18 والمهنا يتفرج ولاجاب خبر !!
قولو لي بالله ماذا يفعل السارق بالبيت الخرب
قولو لي بالله ماذا يفعل التحكيم بالنادي المتهالك الذي لم ينفع نفسه حتى يسئ له الحكام
نعيب زماننــا والعيب فينا .......... ومالـزماننـا عيب سوانا
نعيب التحكيم والعيب فينا .......... ومال لنادينا عيب سوانا
إذا كان نحن بنو هلال معنا التحكيم ليش الصرف بالملايين على النادي اكلف ماعلينا نجيب لاعبين ببلاش نحطهم بالملعب والباقي على التحكيم ... هل يعقل نصرف ملايين وحنا معنا التحكيم ؟؟ والله غباء منكم لايتحمله العقل ..
يانصراويون انتبهوا لناديكم واتركوا التحكيم واصرفوا على ناديكم كما يفعل أبو سلطان وأعضاء شرف الزعيم وشفوا كيف يكون ناديكم ..
أما انكم تبغون بمئة الف تصنعون مجداً كمجد الزعيم طل بعيونكم ...
اعذروني على الإطالة وتحيتي لكم
مواقع النشر (المفضلة)