[align=center]السلام عليكم ورحمة الله وبركاته ..
مساكم أحلى من الورد اخواني واخواتي الموجيين
لا تخلو اي دولة من رجال الأمن
ولا تخلو اي دوله من رجال المرور
الذين يسهرون لخدمة المجتمع
ولكن ..
فـ بعض الاحيان
قد تصدر أخطاء منهم بقصد او بدون قصد
قد نتقبلها وقد لا نتقبلها
وبالعاميه (ما تخش المخ) ..
ومن هذه الأخطاء المخالفات المروريه ..
موضوعنا هذا لا يخلو من الطرافه
مع عدم إنكار مجهودات هؤلاء الرجال في حماية المواطن ومخالفة المخطي ..
موضوعنا هذا يتحدث عن ..
أغرب مخالفة مروريه قد سجلت عليك
أو اغرب مخالفة قد سمعت فيها او قريت عنها ..
(حتى البنات اللي يسوقون يقولون لنا واللي ما يسوقون يروحون يسألون اخوانهم وابوانهم )
وتحس انك مظلوم فيها او مالك دخل فيه
او مثل ما قلنا ما خشت مخكـ المخالفه
...............
انا بـ أبدأ الموضوع بـ قصة غريبه حصلت لي قبل فترة بسيطة :
مرة من المرات تقريباً الساعه 11.30 بالليل
جانـي ثنين من عيـال خالتي بيقلطون عندي بالملحق
وقبل ما ندخل كنا جالسين نسولف شووي عند الباب
وبالتحديد قدام سيارتنا
(مع العلم أن جميع السيارات موقفه وقوف نظامي)
وأحنا واقفين ..
جانا ذاك العسكري بدوريته وقف وسلم علينا وقال إثباتاتكم (بطاقتكم الشخصيه - الهويات) ..
وبصراحة احنا ما نلومهم خصوصا فـ هالاوقات الراهنه
والله يجزاه خير يدور بالحواري كله لخدمة المجتمع ..
المهم عطيناه البطاقات وركب الدوريه يشيك عليها
ولا كـنه صار شي من طرفنا
وجلسنا نكمل سوالفنا وبنفس الوقت ننتظره
بعد برهه من الوقت <-- متعوب على برهه حطوا خطين تحتها
نزل العسكري من الدوريه ومعاه ثلاث اوراق صفراء (مخالفات)
اول ما قال تفضلو شباب نط ولد خالتي بوجهه
وقاله خييير سلامات وش صاير .؟؟!!
قال العسكري
مخالفة تجمهر !!
مع العلم اننا واقفين عند باب بيتنا ..
والتعليق لكم ..
وانتظر مشاركتكم فـ هذا الموضوع من باب التسليه ..
يالله يالله وداعة الله ’’ [/align]
مواقع النشر (المفضلة)