لهواةالبروالرحلات اقدم لكنم بعض النصائح لطرق الطبخ في البر و الرحلات :
1- تحضير وتقطيع المكونات في البيت ووضعها في اكياس وترتبها في الآيس بكس يسهل عليكم المسألة ويخليكم تقصرو وقت الطبخ في الرحله .
2- اذا رايحين تطبخو رزولحم قد الضغط شي اساسي .
3- اذا الرحلة بس سهرة في الليل, البرجر الباربيكيو احسن شي لانة أسرع شي واعطيكم مثال كيف نعمل اللحمة :أ- نطلب من الجزار فرم اللحمة البقري بحيث انة يكون ربع الكمية شحم ليه غنم (يعطي اللحمة نكهه طيبه ويخليها تمسك وما تفك على الشبك أثناء الشوي ) ونضيف بس فلفل أسود وملح بشرط انه تنفرم اللحمة فرم ناعم (الكيلو يكفي تقريبا 6 اشخاص) .
ب-نشتري جبنة شرائح مربعة وخس أمريكي وطماطم حجم كبير و البصل المصري الابيض ونقطعهم شرائح ونخليهم في أكياس جاهزة .
ج- بالنسبة لخبز البرجر أنصح انه يكون جديد وما يتفتت عند الضغط علية .
عندالقيام بالشوي نبلل أيدينا بشويةماء ونعمل اللحمة بشكل أقراص بشرط ان قرص اللحمة يكون اعرض من الخبز لانة اللحمة يقل حجمها أثناء الشوي ونحط باقي الأعراض على جنب ونخلي كل واحد من الشباب اللي في الرحلة يجهز سيندويتشة باللي يبه من الخضروات حسب الرغبة
د- عند الشوي نحرص اننا ما نقلب اللحمه حتى تستوي من الجهه اللي علي النار عشان ما تتفتت علينا أثناء الشوي والجبنه الشرائح تتحطفوق اللحمة على النار بعدما تستوي وتكون على النار لمدة بسيطه . والتقديم من الشواية للندويتش وبالهنا والعافية .
ملاحظة:لتنظيف الشبك قبل الأستعمال نحط الشبك على النار لحين يسخن ثم نمسحه بخرقة مبلله .