بن حميد وبن قرمله
مســــــــــاء الغلا ااااااا
لايخفى علينا جميعاً ان في الماضي قبل توحيد الجزيره كانت القبائل في حروب دائمه وكانت قحطان في حرب مع عتيبه ...
ومع تلك الحروب الا ان كل شيخ وفارس يشهد لمرجله وجزالة الفارس الاخر حتى وان كان خصمه ....
وقبل أحد المعارك كتب الشيخ تركي بن حميد العتيبي قصيده لابن قرمله
ويقول فيها
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازبن كرب فـوق مايطـرد النـوم=حرايـر يازبـن مـثـل الاهـلـه
مرباعهـم مابيـن ظلـم والكمـوم=ومـن السفيـف يرمحـن الاظلـه
ملفاك شيـخ بالقسـا يذبـح الكـوم=شيـخ وشيخـان القبـايـل تـدلـه
تلقى محمد زبن من جـاه مضيـوم=زبن الذليـل اللـي مخيـف محلـه
وليا لفيـت الشيـخ يازبـن ملـزوم=تعطيه مرسوم فـي وسطـه سجلـه
وان كان جيت النضو يازبن ماسـوم=رد الخبـر والنضـو يازبـن خلـه
جانا من الشايـب مكاتيـب وعلـوم=حي الكتاب اللـي لفـا حشمـة لـه
الشايب اللي ينقـل الكبـر والـزوم=باغي لحكمي مير انا عاصـي لـه
الله يغشـك يـوم غشيتنـا الـيـوم=تقـرا الكتـاب ولا تهـاب المظلـه
جزاك من عندي من الخيـل حثلـوم=مثـل البـرد مـن مزنـة مستهلـه
ان كان تذكر سابق لك مـن اليـوم=فـرس عتيبـي ورد شاهـد لــه
انا رمحـي بـاول الخيـل ملحـوم=والا انت رمحك عند سـاره تشلـه
اديت انا اربع قحص والخامس التوم=بقعود زبـن اللـي بغـي ماحصلـه
والحرب شب وشبشبه كـل شغمـوم=من شبته ملح الفرنجـي عصـا لـه
اعرف ترى من طاح ماهوب مرحوم=اكـود مـن رب المـلا شافـع لـه
شافي وجرمان غدوا بـاول القـوم=خلوا امطوعهـم وانـا شاهـد لـه
خلوا مطوعهم على غوجـة التـوم=وعزي لمن حط الـردي مسنـد لـه
وانتم كما حوت على الشـط لاهـوم=وحنـا اخلقـنـا للواهـيـم عـلـه
وانتم كما ضلـع طويـل ومزمـوم=وحنـا خلقنـا الله انجـوم تهـلـه
وانتم كما طير البحر ذاك ابا الحـوم=وطير البحر مايذبحـه غيـر ظلـه [/poem]
ورد عليه الفارس محمد بن هادي بن قرمله القحطاني وقال
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حي الكتاب اللي من بعض مرشوم=حيه وحي اللي مشـا حشمـة لـه
ساعة قريته شفت ما عفت مرسوم=رد النقا تركي وهـو منحـي لـه
يا سابقي غاشن اعتيبه منك لـوم=مثل الربيع اليا غشـا نجـد كلـه
كدى على العتبان خمسة عشر يوم=قعدان والجمـال بيتـي هـل لـه
اطلب عسى نجد من الوسم ما سوم=حتى تقرب حلـة صـوب حلـه
ان كان رمحك بأول الخيل ملحوم=فانا برمحـي حامـي نجـد كلـه
من شافنا بالحلم يقعد مـن النـوم=ومن شافنـا بالعلـم يطنـه يهلـه
عدونا لو جض فلا هـوب مليـوم=واللي وراه يجض من جضـه لـه
حربك الي جانا نقلناه بـا سهـوم=وتر حربنا لاجاك ما احتلت شلـه
وان كان تطرى النجم والنجم مفقوم=والنجم يدوي والجبل راسـي لـه
ما نشتحن للحرب والحرب مفهوم=ويا سعد منـا للقـاء فزعـه لـه
ما خلقت الدنيا ولا الناس قي يـوم=واللي تمنى حربنـا مضحـي لـه
وان كان في نفسه فلا هوب مليوم=نعم الشوارب وفـي الشبـر كلـه
متوسط ما بيـن عتبـان وبقـوم=والله علم فـي دق سلـك وجلـه [/poem]
فرسان في زمن الفرسان
ونعم في قحطان وفي عتيبه
لهم من التاريخ الشي الكثر ونعم انسل
أتمنى انها نالت اعجابكم
دمتم بكل ود
مواقع النشر (المفضلة)