عــــز نفســـي
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عز نفسي في وجودك ياغلا كل الوجود =ياخيالاً في عيوني مايفارقني أبد
أنت ياللي لك بقلبي حب ماله أي حدود =لك غلا بالقلب قبلك ما عطيته أي احد
جيتني والحظ جابك وأزهرت كل الورود =في حياتي ياحياة العمر ياوجه السعد
قبل عرفك كم سقاني ليلي المظلم جحود =كم سهرت الليل أعاني من عذابي والسهد
كم شكيت من الليالي يوم خانت بالعهود =يوم غيري في حياته عايشٍ عيشة رغد
أتباهى بالنصر والهم فيني له وعود =وأتعذّر بالصبر والدمع من عيني بدد
أقبلي ياشمس عمري حرري كل القيود =أفتحي للحب صفحة في زمانٍ مستبد
أمنحيني قرب وصلك أشعلي الخفاق زود =أنت ياللي في عيونك حلم عمري والوعد
صدقيني لا ذكرتك راح في فكري في شرود =أدعي الله يحفظك من شر حاسد إذ حسد
يوم أشوفك في خيالي ينكسر كل الجمود =والهموم اللي بقلبي ترجهن وتبتعد
أنا والله في غيابك كن مالي أي وجود =ياخيالاٍ في عيوني ما يفارقني أبد [/poem]
مواقع النشر (المفضلة)