فيصــــل الطـــــوالــه ..

**ريان الشمري** · 02-03-2006, 07:39 AM

حبيت اشارك بقصيـدة للشـــاعر فيصل الطــواله ..

كل منــــــــــــــــــاي ان يقراه كل اللي بالمنتـدى ولو مايردون

.................................................. .........

لاتعتـذر..رغـم الــذي مـنـك لــي صــار
مــاصــار شي..ولـلـسـوافـي نـــــواري

النـفـس "شيهانة"عـلـى كـــف صـقــار
صيـد الخطأ..يشـبـه لصـيـد الحـبـاري!

بعض البشر..قبل الخطأ يبـدي أعـذار!!
وبعض البشر..يخطي ولا هـو بـداري!!

الحكي"سلعه"نـاقـل الـحـكـي سـمـسـار
بياعـهـا..يـا ابــيــض الـوجـه..شــاري

والزمل..ماعمر اعترض دربـه حـوار!!
ومـاهـي دروب..الـلـي بـلـيـا أنـــاري!!

واكبر غبى..رقص الفراشه على النار!!
بالـذات لا مــن صــارت النـار..نـاري!!

ألا أنـت"حـر" مـاكـرك راس سـنـجـار
خـابـرك مـاصـيـدة يمينـك..خـضـاري!!

توفي..ليـا مـن خـانـت الـكـف الاشـبـار
مثلك..لقوس(المعضـلـه) خـيـر بـــاري

والـقــدر دار..ولـــك مــعــزه ومــقــدار
ومـانـي ذليـل..وصـدر شــرواك داري!!

مـاثـار دمـي..فـي عـروقـي ولــو نـــار
عـمـر الـنـدم مـاحـاف سـيـفـه قـــراري

حـيــاي فــــي وجـهـي..حـمـام وطــــار
وإن طـــار مـــا والله يـجــاوز مـــداري

والله لـو رزقــي عـلـى روس الاشـجـار
مــــدة يمينـي..مـاتـشـاور يــســـاري!!

وإن ضـاع حقـي فـي مشـاريـه الأقــدار
مـابــي ولا واحـــد يـــرد اعـتـبــاري !!

لو ما العزيمه..مـا أنولـد فينـي إصـرار
والذيـب.. ماهـو ذيـب لـولا المسـاري!!

وإن عــودت يــم السـوالـف والاشـعـار
يـكـفـيـنـي أسكـت..ويـتـكـلـم وقـــــاري

ولـو الحقايق..تنـفـض غـبـار الاســرار
والله لتـصـرخ"طـنـيـة"بـالـصـحـاري!!

**al-shmaly** · 02-03-2006, 09:03 AM

اخوي

ريان

صح لسانك ولسان الشاعر

وانا من الناس اللي معجب بالشاعر الكبير فيصل الطواله

ومتابع له لان شعره قوي وفيه من الحكم الكثير

الله لايهينك يالغلاـــ على نقلك الرايع

وتسلم يمينك

لك كل الود

**وفيت وخانتني** · 02-03-2006, 09:49 AM

توفي..ليـا مـن خـانـت الـكـف الاشـبـار
مثلك..لقوس(المعضـلـه) خـيـر بـــاري

....................

اخوووووي ريان صح لسانك ولسانك قايلها ولاهنت يالغلا

اخوووك وفيت،,,