حاذور عن شرب الزقار الاعمادي

**mama** · 06-03-2006, 04:03 AM

هذه القصه جرت على الشاعر المرحوم :- مشعان ابن حبيتر

هذا الشاعر من اهل الصمان وكانوا بدووا ولا يعرفون الدخان واللذي يشرب الدخان

عندهم لا يجلس في المجالس ولا تصب له القهوه وكأنه مرتكب جريمه

والدخان كما قال العلماء

"" مفتاح الشرور والدعايه الى الفجور""

وفي عام 1960م ذهب من أبناء قبيلته الى الكويت وذلك لتسجيل في الجيش الكويتي

ومع الايام سمع بأن أثنين من هؤلاء الشباب شربوا الدخان

فلم يسترح له بال

وأرسل عليهم رجل معه قصيده وبهذه القصيده ينصحهم ويطلب منهم ترك الدخان

القصــــيده

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياراكب من فوق حمرا سنادي=نظيرةٍ مع طولها مستجله
ولولا الرصن تكسر عصي الشدادي=وتقطع قويط القاع في غير حله
ركابها ضاري لقطع الريادي=واليا انتوى لي كل دربٍ يدله
من جو وبره سارحٍ بالبرادي=ملهاه كود أخبيز جمرٍ يمله
ونهار غبه عند ربعٍ اجدادي=ربع يحطون المواكير فله
من جاك منهم قلت هذا السدادي=وهو مقر المرجله موكرله
اسلم وسلم لي بليا اعدادي=سلامٍ احلى من حليب السجله
واحلى من اللي هرجته بالركادي=الصاحب اللي بالهوى منصحله
ما الصيد حاديني من القل حادي=ولاني بمضيومٍ وصيدي مذله
صيدي حنانه بالرجال الوكادي=يوم اني العب قصةٍ مستدله
حاذور عن شرب الزقار الاعمادي=ترا اوله دخان واتلاه عله
وترى المراجل مثل ركب الشدادي=اولهن الطاعه وطيب الجبله
ومن طاع نفسه لازم انه يصادي=ومن طاع ربه ما تجيه التخله
خله مثل طير نزع مع جرادي=اطلق اسبوقه بأختلاط الاظله
واطلق اعقاله من خيط المهادي=دربه يدله وانت دربك تتدله
والعمر ماصوفٍ على نبت وادي=والشوف يقصر ما يجي في محله
والزرع لازم يقتضيه الحصادي=وكل يبي ينشد عن اللي حصله[/poem]تحيااااتي لكم

mama