(((((مثل مـا قالـوا المكتـوب واضـح مـن عناوينـه))))
وقـت مـن البطـا وبليـل تتراقـص شياطيـنـه
بعد شفت الضيا ينـزع مـن ثيـاب المسـا ثلثيـن
تحايلـت المنـام اللـي مـثـل بيـتـك تمريـنـه
وأنا اللي من تفارقنا وأنـا مـا غمضـت لـي عيـن
غريـبـة كــل حـلـم بـرقـادي تزوريـنـه
والأغرب كيف احلم الحلم وارجع واحلمه بعديـن؟
!قبل يومين شفتك بالمنـام .. وقمـت مـن حينـه
ونمت امس ، ورجع نفس المنام اللـي قبـل يوميـن
أنا اللي قبل اسافـر شلـت قلبـي مـن شرايينـه
تركته في يـدك مثـل الأمانـة ، واحفظيهـا زيـن
تـرى حفـظ الأمانـة ديـن .. مجبـورة تردينـه
!أجل مافـي أحـد قالـك حفـظ الأمانـة ديـن؟
مـرد المقفـي بيلفـي .. ويستوفـي ، وتوفيـنـه
بعد ليله ، ثلاث ، أربعة ، عشرة ، شهـر ، شهريـن
إذا انتي ، مـا انتـي بقـد الكـلام اللـي تقولينـه
حرام استأمنك حاجه ، واذا جيت اطلبـك تنسيـن
!تخونين وتبين ارضـى ! وأحـد يرضـى تخونينـه
أنا لاجيت أخونك ، مع حبيبـة ثانيـة ، ترضيـن ؟
من أول ما رجعت من السفر ما شفت لـك بينـه؟
وأنا اللي كنت احسبك قبل لا ادوس أرض المطار تجين
تكونين أنتـي أول شخـص عينـي تحتظـن عينـه
وكنت اتخيلك من زود فرحـة رجعتـي .. تبكيـن
واشوف بدمعتك حكيك .. واعرفه قبل لا تحكينـه
واجيب لك أحلى من اللي بتحكينه ، واتركك تحكين
تقولين : الوطـن نـور .. واقـول بنـور مضوينـه
تقولي لي : غديت أحلى ، وأقول : عيونك الحلويـن
كـلام نـام بشفاهـك .. وخفتـي لا تصحيـنـه
ذخرتيه لغـرام اللـي ينـام .. ويتركـك تصحيـن
تغانمتـي غيابـي .. لـيـن رجحـتـي موازيـنـه
تعلم من يـدك لمـس الكفـوف وعلمـك تجفيـن
وليتـك لاقيـه بـه شـي .. فينـي مـا تلاقينـه
مهو بغرور .. لكـن خابـرك مالـك أمـل تلقيـن
تغافلك بغـلا .. ولا الحـلا مـا هـو بمـن زينـه
تزينه الصور .. بس الصحيح ابـن الحـلال زويـن
وأنـا مانـي بناقـص عنـه يـوم انـك تبديـنـه
نصيبي .. هو نصيبي لـو يسددهـا مـن الصوبيـن
قنـوع بمظهـري .. والسـم مـا يذبـح ثعابينـه
على قول المثل : ماني حلـو .. لكـن مانـي بشيـن
إذا اهـداك الزهـر مـرة فأنـا اهديتـك بساتينـه
وإذا الهاك بفرح ليلة .. فأنـا تهـت لبكـاك سنيـن
واذا استضعفتـك املاكـه .. وشتتـك ملاييـنـه
أنا حتـى فتـات الخبـز اقسمهـا معـك نصيـن
طموحي ، بـس اجـي وأظفـر بشـي تستحقينـه
تدينته .. تسلفتـه .. سرقتـه .. مـو مهـم منيـن
كأني من كثـر مـا ارضـى بكـل اللـي تمنينـه
لو انـك تطلبيـن الله .. يعنينـي ، بقـول آميـن
أنا مالعب على الحبليـن ، وقـت الطيـش وسنينـه
تبين الحين يوم اني كبـرت العـب علـى الحبليـن ؟
ترى عند البـدو بالـذات عيـب اللـي تسوينـه
حلاتـك لا عشقتينـي .. تعشقينـي ليـوم الديـن
غرام نسكـن ضلوعـه .. حشيمـه مـن مجانينـه
جفـا يجمـع معزتنـا .. ولا عشـق يـذل اثنيـن
كثـار اللـي تحدونـي وقالـوا لــي : تحبيـنـه
أمانـه .. لا تخلينـي صغيـر بعينـهـم تكفـيـن
لاني كل مـا قالـوا : تخـون ، اقـول : مسكينـة
عليك الله وأمانه .. علميهـم مـن هـو المسكيـن
أنا خايـف ليـا طـاح الجمـل تكثـر سكاكينـة
وأنا ما عـادت ضلوعـي تحمـل طعنـة السكيـن
مثل مـا قالـوا المكتـوب واضـح مـن عناوينـه
لو ارحل منك للغربة باسافر مـن ظلامـك ويـن ؟
كفاية .. كـل حلـم يمـر فـي رقـادي تزورينـه
كفاية .. من تفارقنا .. وأنا ما غمضـت لـي عيـن
قبل يوميـن شفتـك بالمنـام وقمـت مـن حينـه
ونمت امس ، ورجع نفس المنام اللـي قبـل يوميـن
حامد زيد
وسلامتكم..
اتمنى اعجبتكم ولكم مني كل الود
أخوكم : أبورشــــــــــيــــــد
رد مع اقتباس
عليكم السلام
مواقع النشر (المفضلة)