@ إذا طاح الجمل.. انحش لايحسبك معكرف له"@
في صباح هذا اليوم الثلاثاء.. وانا انظر إلى شاشة الاسهم وهي تكتشح الاحمر.. طرى على بالي المثل اليوغسلافي القائل "إذا طاح الجمل.. انحش لايحسبك معكرف له" :8ar:
ففي يوم اسود ومنيل بسته وألفين نيلة ..دبج اليوم الأحد "مؤشر سوق الاسهم السعوديه" على خشته مما أدى إلى وصول الدم إلى الركب وتحول لونه إلى اللون الاحمر القاتم "قتم الله خشش اللي كان السبب".. ليخسر المؤشر 980.18 نقطه ... نقطه تنطح نقطه بما نسبته 4.75% .. ولتصل المواصيل ان كلل ابو الشركات الـ 78 منخسفه تحت يالله لاتخسف بنا بس .. وغدى عدد الصفقات مغير 127,205 << يعني حتى لو حراج بن قاسم اكثر من صفقات اليوم ..ياجعلي اصفقكم واحدن واحد ياهوامير قريح
عاد يقال أن السبب في طيحة السوق هو عناد هالهوامير هم ويّا حقين هيئه سوق المال .. ناس تشد وناس تصلخ .. مغير هواش ودبغ ودبيغ تسنّهم حريم أخوان فوجع يوجعهم .. وانحن ياللي على قدنا تسن انحن عيلان الشغاله .. نسمع هواش ومدابتس ولاندري وش يصير ولا وش نسوي
فكما يقول الكثيرون .. ان هالطيحه بسبة قرارات الهيئه التعسفيه اللي حدت من تحركات كبار المساهمين ..مما أدى بمحاولة لرد اعتبار من قبل هالمضاربين .. ليييييش تسوون لنا تسذا !! ليه كل ماطق عود بعصى وقفوا مننا واحد ؟ ووشوووووله تحددون النسبه على كيفكم؟ .. فتحبّلوا لهم وسوو هالحركه الخنفشاريه .. ولسان حالهم هالهوامير يقول : هه يا هيئة المال دوتس سوقتس هاللي بازّتن به.. بزّي به وهو احمر
مانقول الا يالله عسى خير ... وسلمني على سوق العويس ومحلات ابوريالين ..على الاقل شي تضمنه .. :30ar: @ منقووووول @
مواقع النشر (المفضلة)