تلقاني اقرب بالغـلا مـن ثيابـك
دايم و أنا أخطي و أنت تغفـر لـي و هـذي عادتـك
تغفر .. ولو ما تلمـس بصوتـي نـدم و الا أعتـذار
تكفـى دخيلـك حطنـي بينـك و بـيـن قـلادتـك
و أرجوك لا تضحك .. تراني صدق منها صرت أغار
مدري من أحسـد شوفتـك .. الأهـل و الا وسادتـك
هـذي تضمـك بالمسـا .. و ذولا يشوفونـك نهـار
أنت الفريد .. بصحبتك .. و بطيبتك .. و عبادتـك
و بكل شـيء .. و غيبتـك معنـى حقيقـي للدمـار
أموت فيك .. و في غلاك .. و في دلعك .. و عادتـك
و أرجع و أقول أني غلطت و جيت أبهديـك أعتـذار
-------------------------------------------------------
يهون طول البعد ما دمت سالم
مهما بعدنا ندا صوتك يرجعنا
تسرح طيوفك في عالمي الحالم
و تصحى الحقايق في غيابك تلوعنا
و لازلت أغلى الناس والله العالم
و لازلت أدعي ربي أنه يجمعنا
----------------------------------------
ما للعروق .. إلا العروق ....
و ما للمطر إلا البروق......
و مالي أنا إلا عيونك....
أحتمي فيها و تعطيني الطريق....
صوتك صديق ,, حزنك رفيق ,,,
و كلنا مافي يدينا غير قشة غريق...
و ينكرني الكلام , و يشتهي موتي سطر,,
و يحتويني شطر ,,, و يرثيني شعر ....
---------------------------------------
نفسي أقول إني حزيـن
إني سجيـن ~لكل ذكرى لك معي
وأبغى أقول إني أنــا
أشكي العنا وأقول للذكرى ارجعي
وأرجع أقول ليت الهوى
يجمع سـوى أهل القلوب اللي تعي
ونسيت أقول من الفراق
الصدرضـاق والعين هلت مدمعي
-----------------------------------------
كيـف ؟؟
اعبـّر لك عن اللي في حشاي
ودي احكي لك ولكن ماقويت
مايجيك اقصور مني في عطاي
من صفاتي مااتمنـّن لاعطيت
مااطيع الناس لو ذمـّو هواي
ومااطيع الناس لو قالو خطيت
دامني مخطي انا اتحمل خطاي
وش عليهم ؟ مقتنع فيك ورضيت
-------------------------------------------------
تسألين القلب يامن جددت بالقلب شوقه
عن لياليه الحزينه والشقا لحظة فراقه
والله انك لو تذوقين الغرام اللي اذوقه
كان قلبك ذاب بين العشق وايام اشتياقه
ولو تردين الزمان لمطلعه باول اشروقه
كان شفتي في عيونك قلب وجروح وصداقه
---------------------------------------------------
افتخر بك وانتشي بك .. وأحفظك وسط النحايـف "
" وانتحربك وانتهي بك .. وابتـدي بـك بالاخيـر
أرفعك فوق السماء .. وانزلك .. فـوق النوايـف "
" يعني لو نزلت قـدرك .. تبقـى بعيونـي كبيـر
أنت لو تغمض عيونك .. قلت يا صعب الوصايف "
" بس لو تفتح عيونـك .. صـرت لعيونـك أسيـر
والله انك لـو طلبـت الـروح مافيهـا حسايـف "
" هاك روحي .. وإعتبرها من عشير اليـا عشيـر
--------------------------------------------------
أبي منك عذر مقنع تعبت اعطيك من عندي ..
ابي صدقك ولو مرهـ يفوق الكذب في ذاتك ..
اذا اخطيت لا تنكر ولا تتوارى بصدي ,,
يضايقني الجفا منك كثر شوقي لجلساتك ..
تزعلني ولين ارحل تخليني بشقا وحدي ..
اظل ابكي ولا اشكي تزيد أكثر بغيباتك ..
ولا اقدر على بعدك خلاص بشوفتك ودي ..
حبيبي كأنك المخطي حضنت بروحي زلاتك ..
وإذا عندك عذر مقنع انا هاللحظه ماعندي ..
سو حب (ن) ملا صدري .. يفوق الحب في ذاتك ..
-----------------------------------------------
والله احبك وأعشقك وأطلب رضـاك
وأموووت لو طول عليـه غيابـك
ماهـو بـس ابيـك ولا اتمـنـاك
يابن الحلال اهواك وأعشق ترابـك
ليا فقدتـك عـارفن ويـن بلقاك
في قلبي اللي مابرا مـن صوابـك
وليا اشتكى من قسوة الارض ماطـاك
تلقاني اقرب بالغـلا مـن ثيابـك
انـا وقلبـي كلنـا مـن فـدايـاك
والحزن وجروح الغـرام وعذابـك
-----------------------------------------
حسايف كيف صار الحب في دنيا الشقا معدوم
حسايف وين راح الحب حسايف وين وداني
اذا باقي بهالدنيا سواليف وبقايا علوم
أنا برجوك تتركها ولا تزود بها أحزانــي
تعودنا على الغربة وكل اللي جرى مقسوم
دخيل الحب وأيامك دخيلك لا تحراني
عذاب الحب كوم وما حصل لي في هواكم كوم
تشوف أحزان هالعالم تراها ربع ماجاني
-----------------------------------------
ياغائب هاويه والقلب يرجيه
مدري وش بقلبك يساوي غلايه
انت الوليف اللي نحبه ونغليه
هواك يأسرني وشوفك هنايه
ارسم خيالك واعتني به واحاكيه
واقص له في كل لحظه حكايه
واقطف ورود الود والشوق واعطيه
وابنيله اقصور الفرح في سمايه
نزهت حبك عن هل العذل تنزيه
واصبحت كنك قطعة من حشايه
----------------------------------------------
كنت اظنك في قصيدي بس مجرد خاطره
بس لقيتك في شعوري انت لي بيت القصيد
كنت اظنك في قصيدي بيت ممكن اكسره
بس لقيت الوزن ثابت مالوريد الى الوريد
كنت اظن الليل دونك بس ليل وبسهره
مادريت انه بدونك فجري المسفر بعيد
--------------------------------------------
تحيه ريم
مواقع النشر (المفضلة)