[align=center]السلام عليكم ورحمة الله وبركاته
واسعد الله اوقاتكم بـ كل خير
اخواني واخواتي
اعتذر عن انقطاعي
وذلك لظرووف قاهره
وهاقد اتيت اليكم
بجديدي
عسى ان ينال على رضاكم واستحسانكم
واترككم مع القصيدة
إمتحاني صعب والناتج حياتي
لو درست العمر كله ماتحله
إنت ماتعرف طموحي وإمنياتي
وماعرفت ان البلا تبديه عله
انت مبحر بس ماحولك نجاتي
الطريق اللي تبيه محد ٍ وصل له
إبتعد وإلا تعال اسمع وصاتي
وخذ مني علم مع ثبت الأدله
العمى وشلون يمشي بالعصاتي
حدته دنياه لين الدرب دله
والرجل لو ماتحلى بالصفاتي
كيف يقدر يعقد الحبل ويحله ؟؟
كان ماتدري وش السر إبسكاتي
السكوت يغير الموضووع كله
والله إن قلت للي فات ماتي
بس شفتك تنبش الجرح وتفله
كنت أحسب إنك تجازي بإحسناتي
ماهقيتك ترفع السيف وتسله
من تمادى بالخطايا مايحاتي
ومن يمل الناس محد ٍ صافي ٍ له
الخطا وارد وهاذي من خطاتي
وأعتبرها من خطايا العمر زله
والحقيقة ماتبي علم وثباتي
كل واحد عارف ٍ وينه وحله
وإمتحاني صعب والناتج حياتي
ولو درست العمر كله ماتحله
ولكم مني أجمل تحية
أخوووكم .... ومحبكم .,.... أبو قبلان[/align]
مواقع النشر (المفضلة)