أخـــــرـر اللحظـــــــــات

[أعماق الشمري]

[align=center]




ما يفضح اللي حـب الا آخـر اللحظـات
لامـد كفـه بالـوداع وصــد بعيـونـه

معاه رايات الاسى وجيش مـن العبـرات
وبين الحنايـا صهيـل خيـول محزونـه

كنه على موعد معـك يـا هـادم اللـذات
من شاف ما صابه يقول الله فـي عونـه

سلام ياللي نـاوي الفرقـى عـدد مافـات
وتعداد ما مـر السحـاب وهلـت مزونـه

سلام من قلب سكنتـه انـت والحسـرات
غلاي تكفى يـا مـودع ناظـري صونـه

ارحل وأنا برحل معي هم وتعب وسكـات
وأسرار ما بينـي ويـن الـروح مدفونـه

ارحل مادام الله كتب لك يالحبيـب شتـات
مالي علـى حكـم القـدر راي ولا مونـه

مالي بعدك الاالصبـر ومجـاذب الونـات
وقصيـدي اللـي كـل خلـق الله يغنونـه

وان طالت الغيبه ابنعي الحب لـو مامـات
عسى الهوى يشتعل بـك وتـردك ظنونـه

وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه

[/align]

[ملاك الشمري]

الله الله عليك يا اعماق صح لسانك قصيده بقمت الروعه


دايم مبدع في اختيار قصايدك الله لايهينك



ملاك الشمري

[وفيت وخانتني]

مالي بعدك الاالصبـر ومجـاذب الونـات
وقصيـدي اللـي كـل خلـق الله يغنونـه

............

صح لسانك ولسان من قايلها ولاهنت يالغلا قصيده اجمل مايكوون


اخوووك وفيتـ ,,,

[جنتل وايلي]

صــــــــح نقــــــــــــــــــلك


وتسلم يمنااااك لاعدمناااك


عساااك على القوه,,,


اخوكــ
جنتـــ وايلي ــــل

[المشتاقة]

وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه

سلمت يمينك عالنقل الذوق
صح لسانك ولسان اسير الشوق
دمت بود

اشواقي::المشتاقه