اشكو اياما منبطح على الطعس...
جاني اشكو في يوم وقعد يفضفض وياي ويقول:
انبطحت على راس طعس من طعوس الصحراء السعوديه( عادة يكون الانبطاح على البطن ..لكن هنا على الظهر)
ومع بداية انبطاحي بدأت احس بحبات الرمال البارده تدغدغ جسدي الطاهر.. ثم بدأت اشقلب نظري في النجوم اللامعه في كبد السماء..
لحظات قليله ومرت من فوقي طائرة (من طراز ايرباص تش طح 700) محمله بالركاب المسافرين فألقيت عليهم التحيه من بعيد وبدأت ألوح لهم بيدي الكريمه<<<<<<مصدق نفسه
مرحبا ومهللا ومسهللا وتمنيت لهم من اعماق قلبي سفرا محمودا وصوما مقبولا وحجا مبرورا وذنبا مغفورا...
واستمريت بالتلويح لهم بكل ماأوتيت من قوة الى ان اختفت عن ناظري (مودعة بمثل مااستقبلت من حفاوة وترحيب)..
فلم استطع ضبط مشاعري فبدأت أبكي حزنا على فراق تلك الطائرة الجميله<<<<<فاهم الحب غلط
أدخلت يدي في جيبي وأخرجت "كرتون مناديل " وبدأت امسح دموعي.
ثم رفعت رأسي الى السماء(وانا منبطح) ورأيت القمر مكتملا..كأنما هو البدر في السماء<<<<ياخراشي
لا اكتمك سرا يا ام صقر انني حينما رأيت القمر تذكرت الايام الخوالي"يوم اننا شيبانا"
حيث كنت انا وشله من رفاقي نجلس حول النار نتسامر ونسولف..
كنت اجلس انا وصديقي العزيز عنتر بن الملوح وابو الطيب المتنبط وابو فراس ال باتشينو وصديقي اللدود ابو لهب عليه لعنة الله..
نجلس حول النار ونتبادل الافكار ونتطارح الاشعار في الليالي الملاح وايام كلها افراح....اما اليوم فأنا وحيد دونهم على رأس العس منبطح..
كل ذلك النعيم راح ذهب ادراج الرياح..كله باح باح..
المهم فكرت بما اني انسان فاضي ..
ماوراي لاأهل ولاعيال ولاحتى جيرل فرند<<<<<احسن ياللغه
"قررت اعد النجوم اللي بالسماء كلها..
دخلت -يدي في جيبي- وطلعت شنطة الدربيل..
وبعد ثلاث ساعات( وانا مازلت منبطح) اليك النتائج والاحصائيات:
3289=نجمة وهج عالي
1903=نجمة وهج منخفض
8=نيازك
1=قمر طبيعي
1=قمر عربسات
1=قمر نايل سات
3=طيارة(كل الثلاث من نوع ايرباص ماعا ثنتين من نوع"بوينج" ووحده من نوع "كنكورد")
3=بومه<<<<<<بسم الله علينا
1=شمس
وياقراء الزين انا ماراح اطول راح "أخش" في صلب الموضوع
وانا في قلب الصحراء (مازلت منبطحا) راح تفكيري بإتجاه المدينه.. وتحديدا موضوع وش بيصير لو تمسك الحرمه الطـــــــــــــــــــــــــــــــارة؟؟؟!!!!!!!!!! !!(قيادة المرأة للسيارة)
طبعا الرجاجيل الله يطول بأعمارهم هم اللي يحددون مصير كل الحريم في هذا الجانب..
يعني مصيركم يالحريم.. في يدي انا المدعو أأشكو أأياما<<<<<<اشوفه واثق.. واخواني الرجال في هذا البلد المعطاء..
ولا اكتمك سرا يا ام صقر اننا بنسمح لكم تسوقون بعد سنه او سنتين بالكثير.. الزبده بانه عام2008 سوف تتواجد المراة في الشوارع السعوديه وبكثره..
وهذا وعد صادق مني لكن ايتها النسوة.. واذا ماسمحوا لكم تسوقون تعالوا بس لي الوعد في طويق(بتلقوني منبطح)على راس الجبل<<<<<<<يجيب الله مطر
الشكله الحاصله الآن يا ام صقر انه هناك قطيع من النساء ("قوم مع الخيل يابقرا")
القطيع ذه وده يسوق اليوم قبل بكره..
وانواع المهايط ..نطالب ونطالب..
لكن لو تركتهم في السياره..تلقينهم مايعرفون لايفكون جلنط ولا يعشقون جير..
فهؤلاء انا اصرخ في وجيههن واقول لهن بصوتي الحنون(يهديك يرضيك والصحون في المطبخ بتناديك)..
واذا ضاق صدرك امسكي اكبر صفريه عندك واعتبريها طاره واقعدي فحطي بين الغرف بس اربطي حزام الامان<<<<<<<ايــــــــــــه يالقانوني
لكن بيكون في نوع ثاني من الحريم اللي هم الشقرديات أمثالك<<<يقصدني<<<كبر راسي
الشقرديه هي اللي بترقى الارصفه وتنطل في الدائري وتكشت يم الدهناء وتتطعس هناك وتمشي 180 على السريع<<<<<اقترح يسوون دور ثاني للسيدات
بصراحه وانا في وضعية الانبطاح حسيت بالبرد الشديد حيث هبت علي الرياح(هناك الهبوب الشماليه بارده لكن اللي اشد والعن وادق رقبه هي الهبوب الشرقيه وتسمى"النسريه"<<<<<<<<<<<لاياشيخ مسوي خبير ارصاد جويه
جلست على حيلي ودخلت-يدي في جيبي-وطلعت علبة كبريت وثلاث حطبات وشبيت النار وقعدت اتدفا
وبعدين دخلت -يدي في جيبي -وطلعت شوية معاميل( فناجيل ودلال وتمر مكنوز)<<<كله من جيبه
وقعدت اتقهوى واتفنجل ....ثم مره ثانيه دخلت -يدي في جيبي-<<<<<<<<لعنبو بليسك مستودع خيري... وطلعت منه شريط كاسيت لام كلثوم ومعه مسجل ماركة باناسونيك"ضمان سنه".
وضغطت على بلاي واذا بها ام كلثوم تصدح بي في عرض الصحراء
هل رأى الحب سكارى مثلنا.....
وبيني وبينك ياأم صقر ماقدرت اقاوم وعلى طول انبطحت ورجعت الافكار عن (قيادة السياره للمراة) تتقلب بقوة شديده في راسي حتى بغيت اطيح من فوق الطعس..
المهم بديت افكر في نفسي وبوضعي الشخصي..
يعني انا بجلس ادرس الهندسه 5 سنوات كلها كرف وتعب ..ثم اتخرج وعمري 26 سنه<<<<مثال للشاب العانس.. مصاب بالوسواس القهري..
احط المنقله بمخباتي واعلق الفرجار في اذني..
واشي بالشارع احس اني اذكى واحد بالديره ..وانا اكبر جحش<<<<مالي دخل هو اللي قاله..
لكن لكي استفيد من سواقة الحرمه لصالحي لازم اكون ذكي وبعيد النظر...مثلا لو انا اشتغلت في بنشر.. وصرت بنشري قد الدنيا..
كل شوي بنت جايه عندي وجايبه سيارتها تقول صلحها لي..
وانا بين هالمزايين اتقلب في النعيم..
أعاير الزيت لساندرا..
وافك الصره لتحدوها البشر..
وانفخ كفر يتيمة الشوق..واذا قالت كم حسابك؟ اقولها لا لا..والف لا..
ماعاش اللي ياخذ منك ريال يا"مودموزيل..<<<<<<<ايه يالفرنسي
وعلى طول ادخل يدي في جيبي واطلع 500 ريال عشان اكسبها زبونه دايمه للمحل حقي..
اقولها..خذي هذي علبة زيت مجانا ..عشانك حلوة ..ها ها ها
وتلقوني اشتغل وانا مغمور بالسعاده... افتح البنشر اول الناس واصك اخر واحد..
<<<<<<<هذا اذا ماخليته نظام24 ساعه وانا ام صقر..
المهم اذا ساقت المرأة بتشوفون اشياء غريبه وسيارات الوانها عجيبه...
هذي صبغت سيارتها برتقالي عشان يسمونها"البرتقاله"
وهذي صبغت وردي عشان يمشي مع لون الجزمه والشنطه<<<<<<يقولون تناسق الالوان يساعد على اراحة الامعاء الدقيقه في البطن...
والشباب ياعيني عليهم تلقاهم انواع الركاده عند الاشارات ..مايبونها تولع اخضر مثل"ابو الهش"
وابو اميره يطق الدريشه("لو سمحتي ياحلوة وين برج المملكه")؟!! وهو موقف تحته
وانت يالوزير القصيبي اقولك ريح ملايكتك ..خلاص السعودة بتجيك في يوم وليله..
محطات البنزين والبناشر وغيار الزيوت.. كلها بتمتلي بأبناء الوطن..
المهم.. وانا مازلت منبطح.. والا تدرون نوقف هنا..
وانا بدوري ام صقر ياجماعة الربع..
أقترح نحطه"اشكو" بمجلس الشورى ونخليه منبطح عندهم وحتى الميكرفون نبطحه جنبه..
وشكله يحب الانبطاح بالذات في زمن الانفتاح..
على فكره في نهاية الجلسه قال:::
" انستي ام صقر:
( حمار القايله أبو لهب .. هو من كان يحرضني على شرب أقداح البايسن ببطن مكه .. ياله من "عربيد" )
وسلامتكم..
مواقع النشر (المفضلة)