أنـــا .. من روق ياخبلـــــة ...
"" عنــدمـــــا يتحول الـحــب الى كره ""
خسيتـي.. لعنبـو جـدك.. خسيتـي والغـلـط ينـعاب
خسيتـي واقلبـي وجـهك ؛ ولا كلـمه ؛ولاجـابه
خسيتـي والزمـي حـدك ؛ تراهـا ضاعـت الاداب
انـا لاطاشـت جنـونـي ؛ يـعـرف الجـاهـل ادابــه
وش المغزا من الكلمـه بـلا داعـي بـلا الاسبـاب
وهرج الكـذب والتجريـح ؛ قوليلـي وش اسبابـه
انـا الشرهـه علـي انـي فتحـت لخافقـي كـم بـاب
ولكـن مثـل ماجيتـي !!! تـرا كـبـر الجـمـل بـابـه
خذي نفسك معك بـرا ؛ ثـم انقلعـي بـدون إيـاب
فمان الله ؛ والا اقول :: فمان ابليـس واصحابـه
تحسبينـي علـى فرقـاك ابنـدم واغـرق الاهـداب
انا مبسوط يـوم انـي ؛؛ طـردت الشـوم وغرابـه
انا ما اعاشـر الخايـن ولا اسمـع هرجـة الكـذاب
ومثلك قيمـته عـندي تـحت (الـزيـرو) حسـابه
هـذاك اللـي تحبينـه ؛ حقـيـر و خـكـري ولـعـاب
عاجبـك ان قذلتـه شقـراء ويميّـل بالشعـر كابـه
صحيح انه حقير و زيـن وشكلـه للنسـاء جـذاب
تشّـبه بأخـته فـلانه ..ومنـهـا الدم متشابه
وانا مانيب حرف الجر.. تجرينه على الاعراب
انا حرف(ن) جزم نفسه...ومثلي يصعب اعرابه
تشوم النفس عن زينك عقب ماطاح فيهـا ذبـاب
وانـا حـر(ن) ولـد حـر.. تركـت الزيـن وذبابه
انا يابنت من ربع(ن) لهـم فـوق الفخـر محـراب
انا من روق ياخبله ؛ وربعـي الهيلـه ( عتابـه )
نسيا ماكلى (عمهوج) وكـم روس بـدون ارقـاب
رزقك الله بحكم اللـي حفـظ عمهـوج فـي جرابـه
انا شيـخ(ن) ولـد شيـخ ؛ بذكـره تنعـم الانسـاب
اليـا قـام العـرب كــلاً ؛؛ يـراجـع دفـتـر انسـابـه
ولد شيخ(ن) وسط ربعه له بين الرجـال حسـاب
اليـا ضاقـت بـه الاريـاء ؛ يهـز الارض مشعابـه
محنكني على الطيبـه مـن يومـي صغيـر وشـاب
اجـل وش رايـك بطفـل(ن) دلال القهـوه العـابـه
ترى بـدري علـى مثلـك تعيـب وساسهـا معيـاب
يالـيـت الـلـي يعيبـنـي ؛؛ يـحـاول يسـتـر ثيـابـه
انـا لاجتنـي الزلـه ؛ مـن الجـاهـل وهــو كــذاب
تركـت القافلـه تمـشـي ؛؛ وراهــا تنـبـح كـلابـه
وانا ليامن كشف ان الخـوي اصبـح لسانـه داب
نزعت السـم مـن عرقـه وكسـرت بمخلبـي نابـه
خلاص اليوم يافلانه ؛ كرهتـك والقلـوب غـراب
وترى كل طيـر(ن) بكبـد السمـاء يشبـع مخلابـه
خسـاره مثلـك بقلـبـي تضـمـه غـرفـة الاحـبـاب
وخسـاره غلطـة العاشـق ؛ يحـطـك اول احبـابـه
بعد هذا تبين ارجع لاجل عينـك نصيـر اصحـاب
خسيتـي واقلبـي وجهـك ؛ ولا كلمـه ؛ ولاجـابـه .
وتكرمون عن الكــلام الذي ذكر ولكنة الحب عندما يتحول الى كره.
ولكـم خــالـص تحياتي ...
مواقع النشر (المفضلة)