على الله يـ.ـا م ج ر ي< - - - قصيدهـ تعبر عن معناتك
[align=center]السلام عليكم ورحمة الله وبركاته
قـــصــيدهـ رائعــه لــ ألشــعارعبــدالله بن عميــرهـ [/align]
[align=center][frame="7 80"]على الله يازمن بشكي جروحي والليالي طـوال =عسى راعي العنا ينسى عناه وينشـرح صـدره
.
على الله يازمن بشكي همومي و(الهمـوم جبـال) =تعدّت عاصمة حزنـي حـدود العالـم بأسـره
.
خساره يالسنين اللي كتبتـي سيـرة الرحـال =فرحت أمس وحزنت اليوم بس الخوف من بكره
.
لساني كم (شكى صمته) والى منّه حكى ماقـال = طغى (طبع السكوت) بسيرة المحروم من صغـره
.
سقى الله يوم كنت اضحك وبالي مستريح البال =ضحوكٍ ماعرفت الحزن وش معناه وش قـدره
.
وكبرت وكبرت أحلامي وصارت قصة الترحال =أماني في مهب الريح وحلـمٍ (ماكتمـل) بـدره
.
بعذر اللي مع أيامه جلس (يبكي) على الاطـلال =تذكر ماضـي أفراحـه اليـن (خنقتـه العبـره)
.
عزيزه يالعيون اللي حضنتـي (دمعـة) الرجّـال =حبستي دمعته بين المحاجر يـوم (ضـاع) امـره
.
عزيزه يالحروف اللي (سكتـي) والكـلام يقـال =حكيتي.. (ماشكيتي) الهمّ وهمّ القلـب (ياكبـره)
.
عزيزه ياليدين اللي ثنيتك (باصعـب) الاحـوال =اكفّك ساعة الحاجه وامدّك ساعـة القـدره
.
وعزيز النفس لو يصبر على (صبر) الليالـي نـال =ابصبر والرجل يصبر ومقياس الرجـل صبـره
.
انا منهو (حمل همّه على راسـه) تقـول عقـال =مجاديف الزمن (دارت عليه) ونَسّـف الغتـره
.
وانا منهو فقد صوته وبعض الصوت بـه مـازال =دعيـت الله يفرّجهـا علـيّ (وبحَّـت النبـره)
.
أشيل الحمل عن غيري وحملي صـار (ما ينشـال) =كما الشيخ الهزيل اللي مشيبـه (منقـضٍ ظهـره)
.
(جروحي مزنةٍ ) منها هطل فيض الشعـر همّـال =سقت جدب العروق اللي تبلل ريقهـا قطـره
.
وعن (حر الزمن) صارت حروفي للجروح ظـلال =تذرّت عن (هبوب الياس) حلمٍ قد بنـى قصـره
.
عساها للمطر روحٍ بها وادي (الظمـا) ماسـال =عروق سنينها جفّت وورّاهـا (الزمـن غـدره)
.
عساها للمطر روحٍ قضـى مرباعهـا ماطـال =كساها (ثوبها الاصفر) .. وكانت تلبس الخضـره
.
على الله ينجلي وقتٍ قضيتـه (هـمٍ) و (غربـال) =ويشعّ النور في قلبٍ غشى (ليل الظَلَـم) فجـره
.
(على الله) والولي الله وبامـر الله يزيـن الحـال =ويضحك للزمن قلبٍ مع (همومه) قضى عمـره[/frame][/align]
رد مع اقتباس
مواقع النشر (المفضلة)