اهدااااااااااااء لكم جميـــــــــعا
[poem=font="Simplified Arabic,6,crimson,normal,normal" bkcolor="black" bkimage="" border="double,10,black" type=0 line=0 align=center use=ex num="0,black"]
لا هان من يسمع ومن يقرا ولاهنت
يا مسندي .. يا محزمي .. يا غناتي
جاني كـلام وفـي كلامـك تمعنـت
لا هـان رجـل ٍ بالحميّـا يحاتـي
لكن يابن عمـي لـو إنـك تفطنـت
فينـي وتعرفنـي وتعـرف صفاتـي
دامي على درب الرجوله تمعدنـت !!
صعب الذهب يصدى إذا صار ذاتـي
لا مـرّت الزينـه معاهـا تهيجنـت
وإن مرّت السيّه كما الريـح عاتـي
كم راس شيبته .. وكم راس جننـت
يخسون .. ما يرمون عنّـي عباتـي
وأنـا ابـدوي ٍ بالبـداوه تعربـنـت
وأسمـى طبـوع اليعربيّـه سماتـي
إن خوّن الخوّان .. وقفت مـا خنـت
وإن حاول يفرّق .. جمعت الشتاتـي
والدين أردّه كان .. دولار .. أو سنت
وأسمى الفعايل هي خلاصـة مناتـي
صغير سن .. وقاسي العظم ما لنـت
ركزة جبال طويق .. رمـز لثباتـي
رجيح عقـل .. وللجزيلـه تمكنـت
ماسك جزيل العلم .. مسكة عصاتـي
وأكبـر دليـل إنـي بعقلـي تفننـت
إسمع ثلاث بيوت .. خذها وصاتـي
آطا على خشم الشعر .. كاني أيقنـت
إنه يسبب لـي ردى .. فـي حياتـي
وكان الرجوله صارت بذلّـة البنـت
يحرم علي إنـي لاخاشـر خواتـي
وكان الردى مسلم .. كفرت وتشيطنت
وكان أعلن بكفره .. أبعلن صلاتـي
وأبي ليامن مت .. وكلـي تطحّنـت
يبقى الذكر موجود .. عقب المماتـي
وأنا بكلامـك يابـن عمـي تمعنـت
وأسمع كلامي .. وأسمع الهرج آتـي
إن كان جاك العلم .. إني أنـا لنـت
ماني أنـا فـواز .. ولانـي زناتـي
الشاعر :فواز الزناتي
وسلاااااااااامتكم [/poem]
رد مع اقتباس
السلام عليكم
مواقع النشر (المفضلة)