السلام عليكم ورحمة الله وبركاته ..
هذي قصة صارت في إحدى الكليات لطالبة وزميلتها .. والقصة هي أنه يُقال
أن إحدى طالبات الكلية وهي شمرية كانت تسكن إحدى القرى وكان يغلب
عليها طابع البداوة من حيث لبسها لقلة ذات اليد ، وكانت من المتفوقات في
دراستها .. وذات يوم مرت إحدى الطالبات ورأتها فقالت: ( شوفوا البدوية..)
فحزت هذه الكلمة في نفس الطالبة.. فلما وصلت بيتها كتبت هذه القصيدةألتي هي حقاً رائعة فعلاً وهي مايلي:-
[poem=font="Simplified Arabic,5,indigo,bold,normal" bkcolor="transparent" bkimage="" border="inset,5,purple" type=1 line=1 align=center use=ex num="0,black"]
إيـه بدويـة ريحـتـي بُــن وبـهـار=هـذا شـرف مـاهـو بحـقـي خطـيـة
أنا بدوية بنـت حـرٍ مـن أحـرار=فزعـات ربعـي بالشدايـد قـويـة
أناهلـي يابنـت وافيـن الأشـبـار=كأنـك جهلتـي مـن أنـا ياغبـيـة
ياجاهلة ماتغتذي الشمس الأنـوار=حنـا كمـا شمـسٍ علـى الأرض ضـيـه
حنٌا هـل الطـولات هيبـة ومقـدار=حـنـاٌ مـثـال للـشـرف والحمـيـة
حنٌا الطنايا للكرم رمـز وشعـار=حـنٌـا خـــويٍ مايـخـلـي خـويــه
الذيب يوم إنه عوى وسط الأسعـار=عشـوه ربعـي مــن سنـيـنٍ مـديـه
يوم إن جدك وتٌق القفـل بالـدار=بيت الشَعـر مفتـوح صبـح وعشيـة
للضيـف ريـف للمعـاديـن جـبـار=نـرد العـيـاض ولانـهـاب المنـيـة
يابنت لو بكتب من أشعار وأشعار=تعجـز معـانـي حـروفـي الأبجـديـة
اللعب خلي اللعـب لعيـال شطـار=لاتدخليـن السـيـل وانـتـي نـديـة [/poem]
وسلاامتكم منقوووله
مواقع النشر (المفضلة)