السلام عليكم ورحمة الله وبركاته
.....
....
...
..
.
||| .. .. خافـي من اللـه صاحبـك لا تظليـه .. .. |||
.....
....
...
..
.
[rams]http://www.geocities.com/khhk789/btaa.rm[/rams]
عقب البطا جاني وأنا كنت ناسيه
مثله مثل غيره قصيد وقوامه
..
اقبل يهلي جاب دانيه.. قاصيه
مثل الفرس لا أرخيت عنت لجامه
..
رحب وشفت الشوق بانت مواريه
اقبل وشوقه فاضحه من سلامه
..
في هرجته شوق ً تبين خوافيه
يعتب وأنا مدري علامه .. علامه
..
مستغرب ً كثر العتب لي واهديه
عاتبني بحرقه تبعها بملامه
..
عن دنيتي .. ويني وانا مدري وشفيه
عن غيبتي / توي دريت بهيامه
..
توي دريت أني بحبي معنيه
من صوته المخنوق .. نبرة كلامه
..
توي دريت أني معني لياليه
واني أهمه كيف صرت اهتمامه
..
توي دريت أني رسيت بموانيه
توي دريت أني خياله .. غرامه
..
واني سكنت اقصى معالق محانيه
واني غذاء روحه شرابه .. مدامه
..
تو العشق هدم نوايف مبانيه
تو استوى عنده حلال .. و .. حرامه
..
وشلون يعشقني وأنا ماني أعطيه
هذا وأنا بيدي الرسن مع خطامه
..
وشلون لو أني بكلامي آمنيه
وشلون لو أني عطيته مرامه
..
اروف واداري بهرجي واداريه
ما ودي ابلش به ولا آخذ آثامه
..
واليوم روفي صاحبك لا تعنيه
الدرب غامض والمواري عتامه
..
خافي من الله صاحبك لا تظليه
يالله تخارجنا .. ويالله السلامه
..
كفي الحكي بالله كفيه .. كفيه
خليني يكفيني جروح وندامه
.....
....
...
..
.
للشـأعـر: خـالـد اليـامـي
مواقع النشر (المفضلة)