السلااام عليكم ورحمة الله ..
لكم ماخطته يداي ....
كتابات بلا لوحه .. وعنوان بلا صفحه...
وهناكـ قلم بلا قارئ .. وهناكـ قارئ بلا احساس ..
وهناكـ احساس يغلب على كل الناس..
فهناكـ كتابه تعني شيء مكتوم ..
وتفضفض عن الهموم ... اما هنا كتابه تقصد خبر مكنون ..
وتعلن بلا جنون ...
ابدأها بعنوان ...!!
×?°الوداع أقسى كلام .. وانا بالذات مالي ملام...×?°
يمكن أقول الوداع
وبعدها يقال التغلّي
بس هذا المستطاع
وبيقولها اللي بمحلّي
ماهو من طبعي الخداع
ولاهو من طبعي التخلّي
......
عشت أيام وسنين
لحظة شقا لحظة حنين
بس الفراق همّه يبين
والمفترض ما نستهين
.....
كنت أقول لقلبي مالك
إلا إنك تنتظر
قبل مايهزّ الكيان
وتحتظر
أو يضرك شخص واحد
وتستضر
......
رحت إلى ذاك المكان
وهناك تقفلت بيبان
وإن سألت عن الأسباب
سدت بوجهي الأبواب
.......
حتى المكان اللي حضنّي
صار خالي بليا أصحاب
وحتى إن خاب بكم ظنّي
أنا ما انسى جميل أحباب
........
صمودي صار بي حيران
بعد ماذقت الجفا ألوان
........
ترددت حيل بلاسكون وبلامذله
ع العتاب
وكنت أقول:
من عرف درب المعزه أويدله
مايهاب
وصرت أقول:
من عرف طعم الوداع وفراق خلّه
اليوم تاب
.......
جيتكم بأقسى عباره
ترتجيه أعماق فكري
جيت وعلى قلبي ستاره
فاض بها الحيل صبري
........
أقسى كلمه بالصريح
بالطبع كلمة وداع
وأقسى وصفن مايريح
بالأصل وصف الخداع
جيت بإحساسي المصاب
جيت أبني لي قناع
.......
خوفي يغلبني السكوت
قبل أعلنها بصوت
ثم أقول إن الوداع
آخر حروفي قبل أموت
بس برفع لي شراع
قبل ماوقتي يفوت
...............
وبكتب على ذاك الجدار
"غريبه طبعك الغدار"
بعد ماكنت بي تحتار
وش تهدي من الألقاب
وعزيزه كانت هي تختار
وبعد ماصارت الدنيا
تقلب بالهوى أسرار
عرفت أن الطريق أعقاب
بس الحين عرفت الحين
عشره علي
ويومن لي
بعد ماكان لي تقدير
غريبه صايره للدار!!
........
كتبت وبخط أكبر
(غريبه طبعك الغدار)
تخون وماتبي تصبر
تبي تنسى زوايا الدار
ألايارب بس أستر
ليت جداري ماينهار
وأنا بالحيل بتصبر
وأبذكركم مسا ونهار
........
يمكن أقول الوداع
وبعدها يقال التغلّي
بس هذا المستطاع
وبيقولها اللي بمحلّي
ماهو من طبعي الخداع
ولاهو من طبعي التخلّي
........
جيتكم بأقسى عباره
ترتجيه أعماق فكري
جيت وعلى قلبي ستاره
فاض فيها كل صبري...
وسلامتكم جميعا ...
اختكم ...~*¤*~عـزيـزة نفـس~*¤*~
ملاحظه / قد تكون وداعيه بعدم المشاركه والردود وعدم ظهور الاسم...
وقد تكون بظهور الاسم فقط ولكن بدون اي ردود واي تفاعل..
مواقع النشر (المفضلة)