طنيـــــــــه

[شقران]

[poem=font="Simplified Arabic,6,black,normal,normal" bkcolor="transparent" bkimage="" border="double,4,black" type=2 line=0 align=center use=sp num="0,black"]
دامها قبّت فانا قدّه وربّي= والله اني لااشْعله نارٍ لظيّه
طنيةٍ ناره تزوم وتشلهبّي= تحرق قلوب وعقولٍ بربريّه
طنيةٍ توقف نبِضْ حقدٍ يصبّي= طنيةٍ تورد خشاشه مهمهيّه
طنيةٍ لعيون من للقلب نبّي= يوم قال الحقّ ثارت عنصريّه
والله انّي للمِيال اعْنف مربّي= لانْفتل بيدي شنب ردّ الخطيّه
واجرب السيف ان حكى للدمّ كبّي= والطناخه تقتلب شرّ وأذيّه
ماني بهايب ولو ناره تشبّي= ولاني بمهتمّ لاطوار القضيّه
لعنبوهم ماعْرفوا مقدار حبّي؟ = ماقروا عهدٍ بصمته في يديّه
إنّي لطنية عزيز القلب اهبّي= واكسر لكلّ الخشوم العنجهيّه
مايعرفون ان به وسْمي مهبّي= وانّ به ريضان خفّاقي نديّه
وانّي لما يشتهي سنْعٍ والبّي= لو يبي راسي فهو لاجله هديّه
هِيــه يالِيّام مابيّنْه عِبّي= اسكتوا هذا مهامٍ في هويّه
خلّوا المجنون يظْهر للمخبّي= اتركوا شقران يبدي للخفيّه
لاجْل عين اللي بحرفه صوت عَبّي= يوم صاحه (ليه وش فيكم كِذيّه )
جيت لعيونه برمحٍ ذبّ ذبّي= حربةٍ بالْسانها داع المنيّه
تفْصد ألْسن ماتقول الا المسبّي= وتلْوي اعناقٍ تطاول بالرديّه
شقران[/poem]

[مملكة المشاعر]

يسلمووووووووووووووووووووووووووو ياغلي على الكلام الحلو في قمة الروووووووووعة

[الحوراء بنت نجد]

الشاعر شقران

شاعر الأبداع بصنوف التألق --- لقوافيك مضمونها ولنهجك روعة

التنويع بكل الحب تجذب قلوب تتهافت لنبع قلبك الحالم بخيال امبدع

شاعرناااا--لك في الحب فنونك ولك في الخيال روح الشاعر المتمرد

لقناعة الواقع 000تسترسل بجبروتك الوردي لعالم الشفافيه --

شقران--- تهيمن على واقعك صفوة حلمك فأثر المزيج لوحتك للون

الغروب المتموج بروعة الطبيعة الربانيه--هذا هو شقران (برق ) تختلف

المسميات ونبضك هو اللذة في عنفوان هذا وذاك-----------

من روائعك هذه الفاتنة الفتون---- تضفي للهمس همس أخر بعيون

المحبين عشاق السحر والجمال في ينابيع المبدعين كأبداعك

سيدي--- تسترسل العبارات يعلم الله ليست أطراء بل لأنني تلميذة

أكاديمية شقران المبدع0000000000رعاك الله سيدي


[poem=font="Simplified Arabic,4,crimson,normal,normal" bkcolor="white" bkimage="" border="double,4,crimson" type=0 line=0 align=center use=ex num="0,black"]
ومضه (شقران)


خلّوا المجنون يظْهر للمخبّي
اتركوا شقران يبدي للخفيّه
لاجْل عين اللي بحرفه صوت عَبّي

يوم صاحه (ليه وش فيكم كِذيّه [/poem]


شقران يفتل فتله بحكمه واتزان بيان

متجلي لمن يدركك (مبدع)

الحوراء--بنت نجد

[سلطان حامد]

[align=center]
لم أمل من قراءتها بعد
فلي عوده للحرف الباسل والمفرده الجزله

ولك خالصــ الود

[/align]

[نايفة نجد]

[align=center]لاجْل عين اللي بحرفه صوت عَبّي
يوم صاحه (ليه وش فيكم كِذيّه )
جيت لعيونه برمحٍ ذبّ ذبّي
حربةٍ بالْسانها داع المنيّه
تفْصد ألْسن ماتقول الا المسبّي
وتلْوي اعناقٍ تطاول بالرديّه





لاجْل عين اللي بحرفه صوت عَبّي
يوم صاحه (ليه وش فيكم كِذيّه )
جيت لعيونه برمحٍ ذبّ ذبّي
حربةٍ بالْسانها داع المنيّه
تفْصد ألْسن ماتقول الا المسبّي
وتلْوي اعناقٍ تطاول بالرديّه





لاجْل عين اللي بحرفه صوت عَبّي
يوم صاحه (ليه وش فيكم كِذيّه )
جيت لعيونه برمحٍ ذبّ ذبّي
حربةٍ بالْسانها داع المنيّه
تفْصد ألْسن ماتقول الا المسبّي
وتلْوي اعناقٍ تطاول بالرديّه




استاذي شقران

لقد لامست شيء ما في داخلي لله در هذا الحرف

ولله در هذا النبض


احساس راقي ونبض وافي من قلم لايعرف الا الوفاء له عنوان


تحياتي لك [/align]