منيب أحب النظام...

[أم صقر]

رحت مع أبوي مشوار بسيارته وانا ما أذكر متى آخر مرة طلعت معه مشوار...

عاد متحمسه بقوة أحسب الدعوة زي دايماً في مشاويري مع اخوي العادية أطق السي دي حقي وأتمخمخ لين أوصل

عاد جهزت نفسي جبت السيدي حقي معاي !!!
أول ما فتحت باب السيارة وجلست قام إلتفت علي ّ وهو مستغرب على زعلان : ليه ما تركبين السيارة بشويش؟ في بنت في الدنيا اذا دخلت سيارة ترجها بهالشكل؟ انتي كم وزنك؟

عاد انا حسيت ان كبريائي قام يزحر..

قمت قلت: اجل وشلون تبيني أركبها؟ أقعد ساعة لين أدخل نفسي؟ خلاص نهبد هبدة وحدة وخلصنا

قام قال: إفففففف اعوذ بالله من شيطانك
عاد يوم قالها كنه طعن قلبي بخنجر مسموم ومهوب مسنون..

قلت له: انا ترى من النوع اللي أزعل إذا حد تكلم عن شي تبعي كلام ما يرضيني حتى لو كان هالشي شيطاني لذلك ياليت مرة ثانية ما تتعوذ من شي لي أو ترى بسب شيطانك...

ما رد عليّ طبعا

يوم مشينا قلت له ممكن نشغل السي دي؟
قال ممكن ...ويقوم يحط لي السي دي حقه مقاطع من حفل معهد موسيقي لأوركسترا في فيينا<<<<طاحس أبوي
قمت قلت: تمزح؟
اقول لك حطلنا شي يوسع الصدر لو سمحت مهوب يبكي
قام قال: أففففففففففف أعوذ بالله من شـ
قلت: هاه؟
قال: من شيطاني

ايوه كذا ناس ما تجي الا بالعين الحمراء أبوان آخر زمن

قلت عاد حط لنا شي نعرفه بلا دلع الانجليز هاللي خرب شخصيتك العربيه
ويقوم يحط نصير شمّا

قلت : اقول وش رايك أحط السي دي حقي وخلاص؟قل تم

قال: تم تم

شكرا


وأحطه وأشغل حبيبة قلبي ذي الأغنية :
http://songs1.6arab.com/kuwaiti-tv-b...-7amam(UN).ram

وأرفع الصوت على آخر شي..





بس خلاص تعبت أصابيعي أكمل الباقي الليلة ..






......... يتبع

[الايهم]

كملي تكفين

أنتي زاااااااااااااااحفه و ( دبيه ) بعد

صدق انتم ماتعرفون تركبون ، وحده تحط ؟؟؟؟ همن تجيب رجلينه ووحده دردب جميع تقل مجدوعه !!!

اقول كلمي زحفك

ويعطيك العافيه

[أم صقر]

عاد كنا تعدينا البيت بمسافة ما عاد يمديه يردني

قال: وش هذا؟ انتي تسمعين كذا؟ من متى؟
قلت من زماااااان من مبطي ليه؟
قال: لا تقولين انك اذا رحتي مع أهلك تسمعين اغاني بهالشكل في السيارة؟
قلت: إلا دايما خاصة اذا طلعت الصباح من بدري و الظهر وأنا راجعه من المدرسه الى البيت اخش جو وانسى التعب
قال: طيب ممكن أطلعه وأرميه؟
قلت: إرميه عشان أرمي كل اللي في سيارتك و انزل في الليل بمفتاح وأمخش بوية السيارة

فجأة لقيته هدا السرعة ووقف على جنب وإلتفت عليّ:
وش قلتي؟ تمخشين البوية بالمفتاح؟ من وين عرفتي ذا الحكي؟


قلت: عادي كل الناس يعرفونه وكنا نشخبط سيارات الخلق ايام قبل يعني لازم نقول كل شي ؟
يلا توكل على الله بتأخر على الموعد

وصرت أسمعه يتمتم بينه وبين نفسه مدري وش يقول

وبدا الوقت يتأخر والموعد قرب

قمت قلت: ممكن لو سمحت تمغط؟
قال: يعني ايش؟
قلت: لا...!!!!! وووووين
وش يعني ايش؟امغط يعني حط رجلك
قال: وين احطها؟
قلت: حطها فوق دواسة البنزين بس بقوة

قال: يفترض انكم تحترمون قوانين المرور قبل تفكرون تركبون السيارة ليه أسرع وأعرّض حياتي وحياة غيري للخطر؟ الشارع مش ملكي عشان أحكمه بضغطة بنزين...

قلت: عاد لا تقعد تفتي تراني قلت اسرع ما قلت خل نسوي انقلاب عسكري

فجأة لقيت عيونه برقّت وصار فيها شرار
عاد انا خفت بس ما بيّنت خوف عشان برستيجي وكذا..

قال: ما ربطتي حزام الأمان؟؟؟

قلت: يمه بسم الله عليّ روعتني احسبك كشفت اني سرقت منك شي... أثره بس الحزام؟

قال: الناس ركبت مكوك فضائي وانتم ما تعرفون اصول ركوب السيارة بسرعة اربطي الحزام

قمت زعلت صدق
قلت: منيب

إلتفت علي يناظرني بنص عين..

قلت انا ما احب اربطه لانه يكتمني وبعدين وشلون أكلمك اذا ربطته؟
قال: انا قلت اربطي الحزام ما قلت اربطي لسانك

قلت: حلووووووووووووة كفك

قال: ربطتيه؟
قلت منيب رابطته لو ايش بعدين ما آخذ راحتي في الكلام معاك لأني لازم اذا كلمتك ألتفت كلي ناحيتك عشان أشرح وأأشر بيديني عشان المصداقية وكذا...

قام وقف السيارة
قال: إنزلي..

قلت: قول قسم
قال: اقول إربطي أو إنزلي

قمت خفت

قلت: وأهون عليك؟
نسيت ان الأولاد زينة الحياة الدنيا؟
في أحد ينزل زينة حياته ويروح ويخليها؟

<< ملعونه تعرف من وين تأكل الكتف

بس فشلني
.
..
..
..
.... يتبع

[غــ ذبحنــي ــلاهــا]

ام صقر



منيييييييييييييييييييييب معلق على موضووعك الين تكملين يالدبه


كركركركركركركركركركركركركركر

وبعدين وش صاااااااااااااااااااااااااااااااااااااااااااااار ؟؟؟؟





see you

[دجاجتن صقعه]

[align=center]الله يرجك... تفتت تسبدي من الضحك :40ar: :34ar:

ههههههههههههههههههههههههههههههه

هيهيهيهيهيهيهيهيهيهيهيهيهيههيهههههههههه

المهم بس .. لين رجع تلفونكم كملي السالفه زين>>>>>> طاخ طيخ im1

ولا تدرين ادز عليتس وكملي لي السالفة .... im0

وبعدين كل ذا صايرن معتس وماتقوليلن..... هين لي شفتس>>>>>>>>> قالك ماخذتن عليها وجه :5ar: [/align]